1 “Perovy'a ke Senhor porayvu va'e ramo,
2 te'i Senhor oepy va'ekue,
3 Mba'eta ono'õmba ju amboae yvy re ikuaiague gui,
4 Tekoa e'ỹa rupi ha'e kuery oguata rei raka'e,
5 Karuai ha'e yuvei
6 Ha'e gui ojexavaia py ojapukai Senhor pe.
7 Tape hi'yvi va'e rupi ogueraa
8 Ha'e kuery toguerovy'a Senhor porayvua re,
9 Mba'eta ijy'uvei va'e pe ome'ẽ oy'u aguã,
10 Amongue ma pytũ reia rupi oiko, manoa guy py ae,
11 Nhanderuete nonhe'ẽ renduiague re ojexavai,
12 Ha'e ramo ha'e kuery ikane'õmba omomba'eapoa vaipa ramo.
13 Ha'e gui ojexavaia py ojapukai Senhor pe.
14 Oguenoẽ pytũ vaikue ha'e manoa guy gui,
15 Ha'e kuery toguerovy'a avi Senhor porayvua re,
16 Mba'eta oitypa okẽ overa va'e guigua,
17 Ha'e gui hi'arandu e'ỹ va'e ojejavypaa rupi anho ikuaia re
18 Ojeguaru opa marãgua tembi'u gui.
19 Ha'e gui ojexavaia py ojapukai Senhor pe.
20 Oayvu ombou vy omonguerapa,
21 Ha'e kuery toguerovy'a avi Senhor porayvua re,
22 Ixupe tome'ẽ mba'emo oguerovy'a vy.
23 Ha'e gui amongue ma kanoã guaxu ojou vy ye'ẽ rupi oguata 'rã,
24 Ha'e va'e kuery oguataa rupi oexa Senhor rembiapo,
25 Mba'eta ha'e ijayvu vy ojapo yvytu vaikue oipeju,
26 Ha'e ramo yvate peve oje'oi,
27 Oguataa rupi ho'a rai-rai'i okuapy oka'u va'e rami.
28 Ha'e gui ojexavaia py ojapukai Senhor pe.
29 Omombytu'u yvytu vaikue,
30 Ha'e ramo ovy'apa ju opytu'upa ramo.
31 Toguerovy'a Senhor porayvua re,
32 Tomboete avi heta va'e kuery onhemboatya py,
33 Ha'e ojapo yakã ikuai va'e typa aguã rami,
34 Yvy porã va'ekue ma ojapo juky re'ẽ rive opyta aguã rami,
35 Ojapo tekoa e'ỹa va'ekue yupa ju opyta aguã rami,
36 Ha'e py omboekoa okaruxe rei va'ekue.
37 Mba'etyrã mba'emo omoaĩ, uva guive onhotỹ.
38 Senhor omoingo porã heta ete oje'oivy aguã rami,
39 Ha'e rami teĩ ha'e kuery ojavyky reia ramo iporiaupa ha'e ndaetavei,
40 Senhor ojapo huvixa kuery nomboeteavei aguã rami,
41 Ha'e rã iporiaukue'i ma ogueraa jepe 'rã
42 Ha'e nunga heko porã va'e oexa vy ovy'a 'rã.
43 Hi'arandu va'e ma toikuaa pota ha'e nunga re,