1 Senhor, endu ke ajerurea.
2 Xee ajexavaia ára ejexa uka e'ỹ eme.
3 Mba'eta xerekove opa ma ovy hataxĩ rami,
4 Nhuũ ojaya pyre ipirupaa rami avi xepy'a re oĩ va'e aendu.
5 Xepire voi ojapa ma xekãgue re,
6 Xee ma guyra tekoa e'ỹa rupigua rami aiko,
7 Ndake kuaavei,
8 Xerovaigua kuery ma ára pukukue re xere ovy'a reia rupi ikuai.
9 Mbojape 'rãgue py tanhimbu re akaru,
10 Ha'e ramigua ae aendu ndee xejou vai vy ndevai ramo,
11 Xe'ára opa ovy pytũ rai'i ouvy vy kuaray'ã ovya rami.
12 Ha'e rã ndee Senhor, raka'e rã peve 'rã reiko.
13 Ndee repu'ã vy remboaxy 'rã Sião tetã pygua kuery.
14 Nerembiguai kuery oayvu Sião py ita ikuai va'e voi,
15 Yvy regua kuery ha'e javi Senhor rery oendu vy ikuai 'rã ojererokyjea rupi,
16 Mba'eta Senhor Sião tetã omoĩ atã vy
17 Oendu iporiaukue'i ojerurea,
18 Ha'e nunga ta'ipara toiny raka'eve rã guarã.
19 “Guenda iky'a e'ỹ va'e ijyvate va'ea gui,
20 oendu aguã nhuã py ikuai va'e poaẽa,
21 Sião tetã py ima'endu'aa aguã Senhor rery re,
22 Ha'e nunga oiko 'rã yvy regua kuery ono'õmba,
23 Ha'e rami teĩ ha'e ma oipe'a xembaraetea,
24 Xee aipoa'e va'ekue:
25 Jypy'i ete ma renhono va'ekue yvy ytarã,
26 Ha'e nunga ha'e javi okanhymba 'rã,
27 Ha'e rã ndee ma ha'ekue ae 'rã reiko.
28 Nerembiguai ra'y kuery voi ikuai porã 'rã,