1 — Xenhe'ẽ opa ovy ma,
2 Anhetẽ porojojai rei va'e kuery xembojere rei okuapy,
3 Ha'e gui eme'ẽ xevy mba'emo aikuaa aguã ndee xemboeko porã 'rãa.
4 Mba'e ha'e kuery kuraxõ remboty ma hi'arandua oĩ e'ỹ aguã.
5 Amongue oirũ kuery imombaarã pe omboaxa ramo
6 — Ha'e rã xee ma xemoĩa heta va'e kuery xejojai rei okuapy aguã.
7 Ha'e nunga rupi ae ndaxerexa pyxovei ma xeporiau rã,
8 Heko porã va'e kuery xerexa vy onhemondyipa rei okuapy.
9 Ha'e rami teĩ heko porã va'e kuery oo tema 'rã guape rupi ae,
10 Ha'e gui peẽ kuery ha'e javi pejevy, peju ju kyvõ katy.
11 Xe'ára oaxa ma ovy,
12 Xevy pe pytũ peikuaa uka ára oĩa rami rive.
13 Ha'e rã xee ma xenhono porãa aguã py arõ xerorã,
14 Xenhono porãarã pe ajapukai vy “Ndee ma xeru”, ha'e.
15 Ha'e gui mba'e tu oĩ arõ aikovy aguã?
16 Ha'e nunga oguejy 'rã manoa rokẽ peve