1 — Yva, xeayvu rã ejapyxaka ke ndeapyxa py.
2 Xe'arandua ma opa rupi too oky otykya rami,
3 Mba'eta amombe'u porãve 'rã Senhor rery.
4 Ha'e ma itaova! Ha'e ojapo va'e ma ha'evea ramigua meme,
5 Ha'e rã peẽ kuery ma hovai rupi pendekuai, ojeroviaa rupi e'ỹ.
6 Ha'e rami ete teve pemboekovia Senhor pendererekoa re,
7 Penema'endu'a ke ára ymave rupi oiko va'ekue re,
8 Mba'eta Yvate ete va'e yvy regua ikuai aguã ome'ẽ-me'ẽ raka'e,
9 Mba'eta Senhor pegua oĩ va'e ma ixupegua kuery,
10 Yvy ipirupa reia py ojou va'ekue ojeupe guarã,
11 Taguato minha gua'y kuery ombo'e vy
12 ha'e rami ae Senhor nhanderereko, ha'e anho'i.
13 Ha'e vy yvyty áry rupi ojapo kavaju árygua rami oje'oi aguã rami.
14 vaka kamby kekue, vexa'i kamby gui,
15 Ha'e rami teĩ hymba hembiayvu va'e ikyrapa ma vy opyvoi hexe.
16 Mba'eta amboae regua tuuete re rive ha'e kuery oo vy ojapo Senhor nda'evei etea oendu aguã rami,
17 Anha kuery pe rive ome'ẽ okuapy mba'emo, Nhanderuete pe e'ỹ.
18 Hexaraipa okuapy itaova ha'e kuery re ta'y va'e gui,
19 Ha'e nunga Senhor oexa vy nopenavei,
20 Ha'e vy aipoe'i: “Ha'e kuery pe ndajexa ukavei 'rã.
21 Ha'e rami vy nguuete pe rai'i ra'aga e'ỹ ikuai vy xeapo nda'evei etea aendu aguã rami,
22 Mba'eta xepoxya rupi amoendy 'rã tata
23 Ha'e kuery rovai heta 'rã ambou mba'emo vai.
24 Ha'e ramo okanhymba 'rã karuai gui,
25 Oka rupi omanomba 'rã kyxe gui,
26 Xee aipoa'e 'rãgue opa rupi romoaĩmba aguã rami,
27 va'eri xee ndaipotai penderovaigua kuery ovy'a rei,
28 Mba'eta xevygua kuery ma imongetaarã va'e'ỹ merami ikuai,
29 Ha'e kuery ma hi'arandu va'e tamo ra'e ikuai!
30 Mba'exa vy tu peteĩ'i va'eri ha'e kuery va'e regua mil omondyi,
31 Mba'eta hovaigua kuery pegua itaova ma nhande'itaova rami e'ỹ,
32 Mba'eta ha'e kuery uvaty ma Sodoma py ikuai va'e ramigua,
33 Ha'e kuery uva rykue ma onhembotyryry va'e veneno rami iro va'e,
34 Ha'e rami aguã ma xejee e'ỹ ri ty'y amoĩ imoiny,
35 Mba'eta anhombopaga aguã rami aiko mba'emokue amboekovia vy,
36 Mba'eta Senhor oikuaa pota 'rã ojeupegua kuery re,
37 Ha'e ramo aipoe'i 'rã: “Mamo tu ikuai tuuete ramigua pemboete va'ekue,
38 Ha'e va'e tuuete kuery nda'u ho'u 'rã mba'emo kyra peme'ẽ va'e,
39 Pexa ke aỹ, xee ae, xee anho'i aiko.
40 Yvate katy xepo aupi reve
41 Xekyxe hendy rei va'e aĩmbe'e,
42 Ajapo 'rã xeru'y tuguy omoẽ aguã rami,
43 Amboae regua kuery, perovy'a ke ixupegua kuery,
44 Ha'e va'e ayvu mboraei regua ha'e javi Moisés omombe'u heta va'e kuery remiendurã, Num ra'y Josué reve.
45 Ha'e va'e ayvu rupi Israel kuery pe Moisés ijayvupa ma rire
46 aipoe'ive ju:
47 Mba'eta pova'e ma pendevy ayvu rive e'ỹ, ha'e rã penemoingovearã ae. Pova'e ayvu rupi vy ae 'rã peiko pukuve pendeyvyrã Jordão yakã rovai re peaxa ma vy pendekuaia py.
48 Ha'e va'e árave Senhor ijayvu Moisés pe. Ha'e vy aipoe'i:
49 — Eẽ ke Abarim yvyty rupi Nebo yvyty peve. Ha'e va'e ma Moabe yvy re oĩ Jericó rexei'i katy. Ha'e vy rexa 'rã Canaã yvy, Israel kuery rekoarã ame'ẽ va'ekue.
50 Ha'e gui yvyty reẽague áry ae 'rã remano, ha'e rã nenhe'ẽ heraa 'rã neramoĩ kuerya py, nderyke'y Arão Hor yvyty py omano rã inhe'ẽ tamoĩ kuerya py heraa ague rami avi.
51 Mba'eta peẽ naxenhe'ẽ rendui va'ekue Israel kuery mbyte, Meribá yakã katy'i Cades re, Zim tekoa e'ỹa py. Mba'eta Israel kuery mbyte py ndapeikuaa ukai iky'a e'ỹ va'e aikoa.
52 Ha'e rami vy yvy nerenonde oĩ va'e rexa rive 'rã, nerevaẽi 'rã Israel kuery yvyrã ame'ẽ va'ekue py.