1 Ha'e rire ma Nhanderuete pegua hyru ogueroike vy omoĩ oo'i Davi ojapo va'ekue mbyte py. Nhanderuete renonde py ogueru avi okuapy mba'emo oapy reve ome'ẽ va'erã, hexeve peteĩ rami ju ikuaia regua guive.
2 Ha'e gui opa ma oapy va'erã ha'e hexeve peteĩ rami aguã regua Davi ome'ẽmba ma vy Senhor rery rupi ogueroayvu porã heta va'e kuery ha'e javi.
3 Ha'e gui ma Israel kuery avakue ha'e kunhague ikuai va'e peteĩ-teĩ pe omboja'o peteĩ mbojape, xo'o ra'ykue ja'ea-'ea ha'e uva'a pirukue.
4 Omoĩ avi levita kuery va'e regua Senhor ayvu ryru renonde rupi ikuai va'erã, Senhor Israel kuery ruete oguerovy'a, ogueroporaei ha'e omboete aguã. Ha'e va'e kuery ma pova'e:
5 huvixa Asafe, ha'e gui mokoĩa ma Zacarias, ha'e va'e rire ma Jeiel, Semiramote, Jeiel mboae, Matitias, Eliabe, Benaia, Obede-Edom ha'e Jeiel mboapya mbaraka ha'e ixã reta va'e reve guarã. Ha'e gui Asafe ma omonhendu ratãve 'rã hy'a pu.
6 Ha'e gui sacerdote kuery Benaia ha'e Jaaziel ma mimby guaxu omonhe'ẽa rupi riae 'rã ikuai Nhanderuete guexeve guarã ojapo va'ekue ryru oĩa renonde rupi.
7 Ha'e va'e ára ma Davi omoĩ ypy'i Asafe ha'e tyvy kuery Senhor pe oporaeia rupi oguerovy'a aguã. Aipoe'i:
8 — Perovy'a Senhor, hery rupi pejapukai.
9 Peporaei ke ixupe, peporaei salmos.
10 Perovy'a hery iky'a e'ỹ va'e.
11 Peka Senhor, ipo'akaa guive.
12 Penema'endu'a ke mba'emo porã ojapo va'ekue re,
13 peẽ hembiguai Israel ramymino kuery,
14 Ha'e ma Senhor Nhanderuete.
15 Ima'endu'a riae 'rã guexeve guarã ojapo va'ekue re,
16 Abraão reve ngupive guarã ojapo va'ekue re,
17 Ha'e nungakue re ma Jacó reve ju ijayvu,
18 Ha'e vy aipoe'i:
19 Ha'e jave py ha'e kuery mbovy'i teri ikuai,
20 oguata va'ekue yvy mboae-ae ikuai va'e rupi,
21 Ha'e rami teĩ avave rei pe ha'e ndoguereko axy ukai.
22 Ha'e vy aipoe'i: “Emoĩ eme ndepo xerembiporavo kuery re,
23 Peporaei ke Senhor pe yvy jave regua kuery!
24 Yvy regua kuery pe peikuaa uka hexakãa,
25 Mba'eta Senhor ma yvate ete va'e.
26 Mba'eta yvy regua kuery ruete ha'e javi ma mba'emo ra'angaa rive.
27 Henonde ma guexakãa ha'e ijyvatea oexa uka.
28 Yvy regua ha'e javi, peroporaei ke Senhor!
29 Peroporaei Senhor rery iporã ete ramo.
30 Yvy jave regua kuery, peryryipa henonde.
31 Ha'e nunga rupi tovy'a yva ha'e yvy.
32 Taevovo ye'ẽ ha'e hexe ikuai va'e ha'e javi!
33 Tovy'apa yvyra ka'aguy re ikuai va'e Senhor renonde,
34 Perovy'a ke Senhor, porayvu va'e ramo,
35 Ha'e gui aipopeje: “Oreruete orereraa jepea, orereraa jepe ke!
36 Ima'endu'a porãmby toiko Senhor Israel kuery Ruete
37 Ha'e ramo Senhor guexeve guarã ojapo va'ekue ryru oĩa renonde py ae Davi omoĩ Asafe tyvy kuery reve, ha'e kuery opena riae aguã henonde py, ko'ẽ nhavõ opena ukaague rami vy.
38 Omoĩ avi Obede-Edom tyvy kuery ha'e javi reve, sessenta e oito ha'e javi vy. Jedutum ra'y Obede-Edom ha'e Hosa ma omoĩ okẽ re opena va'erã.
39 Ha'e rã sacerdote Zadoque ha'e tyvy sacerdote ikuai va'e ma omoĩ oo'i Senhor pegua Gibeão yvy'ã re oĩ va'e renonde rupi ikuai va'erã,
40 altar oĩ va'e áry Senhor pe mba'emo oapy reve ome'ẽ riae aguã, aje'ivekue ha'e ka'arukue. Ha'e rami ikuai Israel kuery pe Senhor lei oeja va'ekue re ipara oĩa ha'e javi rami.
41 Ha'e kuery reve omoĩ avi Hemã ha'e Jedutum, ikuaive ju hery rupi oiporavo pyre Senhor pe oporaei va'erã, mba'eta nhanemboaxya rupi oiko riae 'rã raka'e rã peve.
42 Ha'e kuery reve ikuai avi Hemã ha'e Jedutum mimby guaxu omonhe'ẽ aguã, ha'e hy'a pu ha'e mba'epu Nhanderuete pe ombopu aguã. Ha'e rã Jedutum ra'y kuery ma okẽ rarõa ikuai.
43 Ha'e va'e rire mae ma onhemboaty va'ekue peteĩ-teĩ ngoo katy oje'oi. Davi voi oo ju ngoo pygua kuery ogueroayvu porã aguã.