1 Davi oĩa py Tiro pygua huvixa Hirão ombou ayvu mombe'uarã. Ogueru ruka avi yvyra yary, oo apoa ha'e ita re omba'eapo va'e kuery, hoorã ojapo va'erã.
2 Ha'e ramo Davi oikuaa Senhor omoĩ atãvea Israel re opena aguã, ha'e ombopo'akave ojeupegua kuery re oma'ẽ vy.
3 Jerusalém tetã py Davi ojouve kunhague gua'yxy jevyrã. Ha'e vy ikuaive ju ta'y ha'e tajy kuery.
4 Po rami ma Jerusalém py itui'i va'ekue rery: Samua, Sobabe, Natã, Salomão,
5 Ibar, Elisua, Elpelete,
6 Nogá, Nefegue, Jafia,
7 Elisama, Beeliada ha'e Elifelete.
8 Filisteu kuery oendu avi okuapy Davi omoĩa Israel kuery ha'e javi ruvixarã. Ha'e vy oje'oipa ojopy aguã Davi. Ha'e nunga Davi oendu vy ha'e voi oo avi ha'e kuery ovaexĩ aguã.
9 Ha'e rã filisteu kuery ou Refaim yvyugua py mba'emo oipe'apa aguã.
10 Davi ma Senhor pe oporandu vy aipoe'i:
11 Ha'e ramo Davi Baal-Perazim py oo vy oitypa ha'e py. Ha'e vy aipoe'i:
12 Ha'e py ma filisteu kuery oejapa oje'oivy nguuete kuery ra'angaa. Ha'e rã Davi oapy ukapa tata py.
13 Ha'e gui filisteu kuery ou nho ju yvyugua gui mba'emo oipe'apa aguã.
14 Peteĩgue ju Nhanderuete pe Davi oporandu ramo ombovai:
15 Ha'e gui xapy'a rei rendu 'rã amora ty rovapy rupi opyrõ-pyrõ nhendu va'e. Ha'e va'e rendu ramove peẽ 'rã ha'e kuery re pepu'ã aguã. Ha'e va'e ma nerenonde Nhanderuete oo nhendua, filisteu kuery ijaty okuapy va'e jukapaarã — he'i.
16 Nhanderuete ojapo ukaa rami Davi ojapo vy ojukapa filisteu kuery Geba guive Gezer py ovaẽa peve.
17 Ha'e rami vy ha'e va'e yvy jave rupi Davi rery re ima'endu'aave ovy, mba'eta Senhor ojapo Davi gui pavẽ regua okyje aguã rami.