1 Way back, plenty time an een plenty diffunt way, God beena taak ta we ole people shru de prophet dem.
2 Bot now wen de end time da come, God taak ta we shru e Son. An shru e Son, God mek de wol, an e pass ebryting ta e Son.
3 God Son, e de light wa da show we de bright glory ob God. Wen oona see de Son, oona da see God, cause de Son jes de same as God. An de Son wod wa got powa fa true, da mek all ting stay jes like dey spose fa stay. An atta de Son done dead fa people sin, fa mek um clean een God eye, e gone ta heaben an seddown ta de right han side ob God, wa got mo powa den all.
4 God mek e Son way mo high op den de angel dem, jes like de name wa God gim, dat way mo betta den dey name.
5 Cause God ain neba tell none ob e angel dem say,
6 An wen God been bout fa sen e fusbon Son eenta de wol, God say too,
7 Wen God taak bout de angel dem, e say,
8 Bot wen God taak bout e Son, e say,
9 Ya lob wa right an ya hate wa ain right.
10 God taak gin, say,
11 All dem gwine come ta a end,
12 Ya gwine fole um op jes like we fole op we coat.
13 God ain neba tell none ob e angel dem say,
14 So den, all de angel dem, dey good sperit wa da saab God. God da sen um fa hep dem wa God gwine sabe.