1 !Inau au padaloki sosongolia nimu Vale Tabu, igoe Taovia Susuliga Sosongo!
2 !Mau kili sosongolia kau ba totu i tana!
3 Migira goto na manubau, mara dona na logoana na binuqira,
4 Ara mage sosongo nomoa igira ara mauri i laona nimu Vale Tabu,
5 Ara gini mage sosongo igira ara tsotsovata kakai i konimu igoe,
6 Mi kalina igira ara liu tsapatugu bâ tana qou mamatsa ni Baka,
7 Migira ara susuliga babâ moa kalina ara vanovano i sautu;
8 Igoe Taovia God Susuliga Sosongo, ko rongomia niqu nonginongi.
9 God, ko vangalaka vania nimami taovia tsapakae,
10 Kesa lelê moa na dani na totu i laona nimu Vale Tabu igoe
11 Na Taovia aia nogo nida reitutugu, ma nida taovia tsapakae loki bâ,
12 !Taovia Susuliga Sosongo, ara mage manana igira ara norukakaigo igoe!