1 !Igoe niqu God ko rongomia niqu nonginongi;
2 Rongomiau mo ko tuguvisu vaniau niqu goko;
3 Mau gini matagu mate niqira goko rarara igira gaqu gala,
4 Au matagu mate,
5 E mamara sosongo na tobaqu tana matagu mau gariri;
6 Au kili sosongolia ti kau tamanina na rapoqu vaga na kulukulu,
7 Kau tangomana na lovoligi ao sosongo
8 I tana sauba kau tsodotsakua sa nauna i tana kau ba totu raviravi
9 !Taovia ko virisia niqira goko igira gaqu gala!
10 na dani ma na bongi ara polipolia na vera ia,
11 Na mate e totu pipi sui tana nauna,
12 Ti vaga kesa gaqu gala ke gilugaqu,
13 Migoe nogo gaqu duli, ma gaqu aqo kolu, ma na kulaqu dou sosongo,
14 Tana idana kaita ka dona na vaigokovigi sai dou,
15 !Au amesia na mate ke tavongani novotigira gaqu gala
16 Minau au soâ na Taovia God laka aia ke sangaau,
17 Tana matsaraka mi tana niaso mi tana ngulavi bongi
18 Maia sauba ke sangaau ma kau gini tangomana tana vailabu au naua,
19 God aia e tagao tû mai nogo tana tuturigana tsotsodo,
20 Aia gaqu duli dou sosongo tana idana aia nogo e tû me sugutigira na kulana;
21 Nina tsaqina goko ara pui dou,
22 Mololakagira na omea sui ara ngoligo i limana na Taovia,
23 Migoe God sauba ko tsonibagira na vanga labumatesi tinoni ma na vanga pero, ma kara ba puka tana qiluqira