1 !Taovia, ko laka na kedeaqu tana koremu!
2 Igoe o bokaliginiau nimu pipili;
3 Rongona nogo na koremu igoe,
4 Inau au gini lulumi tana obona niqu sasi;
5 Rongona nogo inau au bubulega sosongo,
6 Au gogovagi tsuna i lao, mau taquruquru;
7 Inau au masagi loki ma na koniqu e papara vaga na lake,
8 Inau au seko pitsu mau taquruquru saikesa nogo;
9 Taovia igoe o dona ida nogo na omea sui inau au kilia;
10 Na kosuqu e butubutu loki, mau tau nogo susuliga,
11 Migira na kulaqu ma gaqu verakolu ara sove na mai varangisiau,
12 Igira ara ngaoa na matesiaqu ara tsoni tavitiqu.
13 Minau au vaga moa na tinoni e mui na kulina, me utu vania na rorongo.
14 Au vaga saikesa moa ti kesa na tinoni e tau dona ke gokovisu
15 Minau au norugo sailagi moa Taovia.
16 Ko laka na tamivaniaqira gaqu gala kara gini mage kalina ara reia inau au rota.
17 E varangi saikesa nogo kau puka,
18 Au koevulagia niqu sasi,
19 Igira moa gaqu gala ara mauri dou rago mara susuliga sosongo.
20 Igira ara tuguvisuginia na seko na omea dou inau au naua,
21 !Taovia, ko laka na tsoniligiaqu!
22 !Ko sangaau kalina nogo ia, rongona igoe niqu Taovia ma niqu vagamauri!