1 Igamu sui amu totugoto nogo i matana na Taovia kamu gudato tana magemage,
2 Taia nimui tuqulu ma kamu soadoua na Taovia.
3 Linge na linge vaolu vania aia.
4 Nina goko na Taovia ara mana sui;
5 Na Taovia e reingaoa na omea e dou me gotolaka;
6 E moloketsa moa na Taovia me vusaginia na baragata,
7 Maia e sarosaigira na tasi sui kesa moa tana nauna;
8 !Na barangengo popono ke kukuni tania na Taovia!
9 Mi kalina aia e goko me botsalaba na barangengo;
10 Na Taovia e tabarusia niqira pede na puku tavosi sui.
11 Migira moa nina pede na Taovia ara totukakai na dani ma na dani;
12 Ke mage aia na puku na tinoni i tana ara tamivania God ke Taovia vanigira.
13 Na Taovia e tû i gotu me morotsuna mai
14 E tû tana sasana na totukae me morotsuna i koniqira
15 Aia e botsangia pipi sui niqira papada
16 Igira na taovia tsapakae ni lao eni ara tau dona kara gini tangomana tana susuligaqira moa niqira alaala na mane vaumate;
17 Igira na ose na vailabu ara tau lelê tamani segeni kesa na susuliga agana na gini tangomana tana vailabu;
18 Na Taovia e mataligira igira ara kukuni tania,
19 E lauvisugira tania na mate;
20 Igita a norukakaia na Taovia;
21 Igita a gini magemage tana rongona nogo aia;
22 Taovia, nimu galuve vo oli ke totu sailagi i konimami