1 ?Niqu God, niqu God, egua sagata kiki ti o tsonileau?
2 Tana dani popono au soago igoe niqu God,
3 Migoe o Tabu Sosongo, mo totukae tana sasamu.
4 Igira na mumuamami ara vataraginia niqira vainoru i konimu;
5 Ara soago, migoe o didia tanigira na omea seko;
6 !Minau moa au tau nogo lia vaga sa tinoni, au vaga saikesa moa ti na meri lê,
7 Igira sui ara morosiau mara gilugaqu;
8 Mara tsarivaganana vaniau, “Igoe o vataragi i konina na Taovia.
9 Taovia, igoe nogoria o aragoau i tobana tinaqu tsau kalina au botsa vaolu,
10 Eo, tû tana dani au botsa vaolu, inau au vataragi saikesa moa i konimu igoe;
11 !Vaga ia, mo ko laka saikesa goto na vano ao taniaqu!
12 Ara danga sosongo gaqu gala,
13 Ara ngunguru loki mara manganga vaga moa ti na laeone
14 E nanga lê sui na susuligaqu inau,
15 Ma na lioqu e mamatsa lê vaga moa ti na papasa,
16 Eo, kesa na alaala na tinoni seko tsaikore ara tupoliau;
17 Ara lalaba lê sui na suliqu.
18 Ara tsonikutsu tana daisi mateqira na poloqu
19 !Migoe Taovia ko laka kiki na totu ao taniaqu!
20 Ko maurisiau tania niqira isi;
21 Ko laumaurisiau tania na mangaqira na laeone girani;
22 Sauba kau katevulagi vanigira niqu toga na omea sui igoe o naugira;
23 “!Kamu soalokia na Taovia igamu sui nina tinoni!
24 Aia e tau dona ke reilea se ke peâ na rota e gadovigira na tinoni ara tau tamanina sa omea;
25 I laona na saikolu popono inau sauba kau tsonikaego igoe mateqira na omea loki igoe o naugira;
26 Igira ara tau tamanina sa mutsa sauba nomoa kara mutsa masu;
27 Igira na puku sui sauba kara padatugua na Taovia.
28 Na Taovia aia segeni moa e taovia loki tsapakae,
29 Migira sui pipi na tinoni vanga kaekae sauba kara tsuporu vania moa aia;
30 Migira sui na vatavata kara botsamai i muri sauba kara aqovania ia.
31 Me sauba kara tsarivanigira igira ara tau vati botsa moa: