1 !Au galuve sosongoligo Taovia!
2 Na Taovia aia nogo niqu reitutugu,
3 Inau au ngangaidato vania na Taovia,
4 Na sosorina na mate ara virigi poliau,
5 Na sosorina na mate ara virigi poliau,
6 I laona niqu rota inau au ngangaidato vania na Taovia.
7 Mi tana, ma na barangengo e kakanu loki me olaola takuti.
8 Na pungu bau e ngusu rutsumai tana babana isuna.
9 E ratsi ovatia na masaoka me tsunamai,
10 E gini lovo tsaku tana rapona na angelo,
11 E gini popolo popono moa na rodo,
12 Ma na kolina na usa kakai vaga na vatu ma na lapina na lake
13 Mi tana, ma na gokona na Taovia aia e totu tana parako,
14 Maia e gini vanavana nina pipili me sarangasigira gana gala,
15 Na pakokana na maorodo e mamatsa kuti lê,
16 Aia na Taovia e tû i gotu me tatango tsunamai i lao me tangoliau,
17 E laumaurisiau tania na limaqira susuliga igira gaqu gala
18 Kalina inau au totu moa i laona na rota loki, migira ara maiginiau,
19 Aia e sangaau mau gini tanusi tania na rota,
20 Na Taovia e sauvaniau na peluna rongona au naua na omea e goto i matana,
21 Inau au muridoua nina ketsa na Taovia.
22 Au muritaonigira pipi sui nina vali,
23 Maia e donagininogoa laka inau au tau tsukia sa sasi,
24 Maia nogo na rongona ti aia e gini tusuvaniau na peluna,
25 Taovia, igoe o mana vanigira igira ara mana vanigo.
26 Igoe o sauvulagia nimu sasaga male vanigira igira ara sasaga male i matamu.
27 Igoe o maurisigira igira ara totu palatsuna.
28 Eo Taovia, igoe nogo niqu marara.
29 Igoe o malagaisiau agana inau kau gini susuliga na baginiaqira gaqu gala.
30 !Na God iani ara gotolaka pipi sui nina aqo aia e naugira!
31 Na Taovia aia segenina moa e God.
32 Maia nogo na God e sangaau inau te au gini susuliga,
33 Me naua na tuaqu kara tsotso kakai dou, vaga moa na tuana na dia,
34 Aia e sasaniginiau na omea sui gana na vailabu,
35 Igoe nogo Taovia o reitutuguau mo maurisiau.
36 Igoe nogo o mangâ na sautu vaniau tana kau liu bâ,
37 Inau au takuvigira gaqu gala mau tangoligira,
38 Au labupukaligira me utu vanigira goto kara tû,
39 Igoe nogo o sauvaniau na susuliga gana na vailabu
40 Igoe nogo o naua mara gini tsogo lê taniau igira gaqu gala,
41 Ara lavea kesa ke sangagira, me tagara lelê ke kesa ke sanga na maurisiaqira.
42 Inau au tsogori rapasigira,
43 Igoe o maurisiau tania na limaqira na tinoni vanga livusuguradi,
44 Igira na tinoni na puku tavosi ara mai tsuporu i mataqu,
45 E viri puka lê sui gaqira susuliga,
46 !Na Taovia aia e totu mamauri manana! !Tsonikaea aia niqu reitutugu!
47 Aia e sauvaniau na tangomana na tuliusiaqira igira gaqu gala,
48 me maurisiau tania na limaqira gaqu gala.
49 Maia nogoria na rongona ti inau au gini tsonikaego i laoqira na puku sui;
50 God e saua na tangomana loki sosongo vania nina taovia tsapakae,