1 Kamu rorongo dou! Na Sasaga Loki e sosoa,
2 Aia e tutû i kelana na tetena liligina na sautu,
3 Aia e tû tana nauna na sage bâ tana verabau,
4 “Inau au veisuagamu igamu pipi sui na mamatana tinoni tana barangengo.
5 ?Laka igamu amu tau vati ganoga moa? Bâ, ma kamu sasani gana kamu gini ganoga.
6 Kamu rongomigira dou niqu goko dou laka.
7 Mara mana sui na omea inau au tsaria.
8 Pipi sui lakalaka na goko au tsaria inau ara mana,
9 Pipi na omea sui ara maka dou vania na tinoni e dona na morogado,
10 Kamu vilia na sasani ma na donalevo i koniqu inau,
11 “Inau nogo na Sasaga Loki, mau dou liusia bâ na vatu angaanga;
12 Inau na Sasaga Loki, mau tamanina na morogado ma na donalevo,
13 Aia e kukuni tania na Taovia e reisavigira na omea seko;
14 I koniqu nogo inau ara totu na sasaga loki ma na papadagado,
15 Au sangagira na taovia tsapakae kara gini tagao dou,
16 Pipi sui na tagaovera tana barangengo ara tagao tana niqu sasanga inau,
17 Inau au galuvegira igira ara galuveau;
18 I koniqu inau ara totu sui na omea tatamani, ma na tangi soa,
19 Eo, na omea amu adia i koniqu inau ara dou liusia bâ na qolumila laka ma na siliva laka saikesa.
20 Inau au liu tana sautu na gotolaka;
21 mau vangalaka vanigira igira ara galuveau,
22 “Na Taovia e vusaau nogo i oka, idavigira na omea sui.
23 Aia e aqosiau inau tana idana tsotsodo, idavia na volaana na barangengo.
24 Au botsa nogo inau ti e laba na kema,
25 Au botsa nogo inau ti ara laba na vungavunga,
26 Au botsa nogo inau ti God e aqosia na barangengo ma na utana,
27 Au totu nogo i tana inau kalina aia e moloa na masaoka tana sasana,
28 mi kalina aia e molokaegira na parako tana masaoka,
29 me moloketsa vania na mao na tasi ke tau nusudato liusia i tana aia e titivania ke vosa.
30 Inau au totu i ligisana, vaga nogo nina maneaqo,
31 mau gini magemage na reiana na barangengo,
32 “Mi kalina ia, igamu na tinoni vaolu, kamu rongomiau inau.
33 Kamu muridoua na omea inau au sasaniginigamu.
34 Ke mage na tinoni e rongomangaqu inau,
35 Na tinoni e tsodoau inau e tsodogotoa na mauri,
36 Ma na tinoni e tau tsodoau inau, e sekoli segenina moa;