1 Taovia, ko padatugua na omea ara laba vanigami igami.
2 Igira nimami omea tatamani sui ara totu i limaqira na tinoni ni veratavosi;
3 Migira gamami gala ara matesigira na tamamami,
4 Migami nimami aqo kalina ia kami volia na kô gana na inu,
5 Ara turuginigami kami aqo kakai, mami gini kolae sosongo nogo,
6 E kilia kami ba nono gamami mutsa i koniqira na Ejipt ma na Asiria
7 Migira nogo na mumuamami ara sasi sosongo, mi kalina ia igira ara mate nogo,
8 Igira na tseka ara tagaovi kaputigami,
9 Igira na tinoni vanga labumate ara liuvia nimami kao popono;
10 Ami vitoa mami gini masagi,
11 Mi tana Vungavunga Sion ara raqagira na taumami mara sasi kolugira,
12 Ara adigira nimami tinoni lokiloki mara ligoti tsauraginigira,
13 Ara turugira nimami mane vaolu kara aqo na gotsa uiti vaga moa na tseka;
14 Migira na tuqatuqa ara tau nogo ba totu tana matsapakapuna na verabau,
15 Na magemage e vanoligi saikesa nogo tania na maurimami;
16 Me tagara lelê goto sa omea ke kauvisu i laoqira pipi sui na omea ami gini kaekae,
19 Migoe Taovia o taovia tsapakae saviliu,
20 ?Ma na rongona gua ti o tsonilegami mo padalegami oka vaga sagata ia?