1 Na Taovia e tsarivaniau inau a Jeremia
2 kau ba katevulagia na goko iani vania na vera ni Jerusalem.
3 Mi tana tagu ia, igoe Israel o niqu tinoni segeni nogo inau.
4 Igamu na kukuana a Jakob, migamu sui na puku tana Israel kamu rongomia na omea e tsaria na Taovia.
5 Aia na Taovia e tsaria;
6 Igira ara tau goto boeginiau inau
7 Minau au molobagira kesa tana kao lakataga,
8 Migira na manetabu ara tau veisuâ,
9 “Me vaga ia, minau na Taovia sauba kau taimataqira tugua niqu tinoni,
10 Kamu adi vaka ma kamu votu bâ tana momoru ni Siprus,
11 E tagara goto sa puku tavosi ke dona na oliaqira niqira god,
12 Me vaga ia, minau na Taovia au ketsalia na masaoka ke gini beke,
13 rongona igira niqu tinoni ara aqosia ruka vatana na sasi loki:
14 “Israel e tau na tseka,
15 Igira ara kanga vaga moa ti na laeone,
16 Eo, igira na mane ni Mempis mi Tapanes ara tsara koakoa na lovana.
17 !Migoe nogo Israel, o alomai vanigo segeni na omea iani!
18 ?Nagua sauba ke pelugo igoe na visutuguana tana Ejipt,
19 Nimu sasaga tabaru segeni nogo sauba ke kedeginigo,
20 Na Taovia God e goko me tsaria,
21 Inau nogo au tsukago igoe
22 Me atsa moa ti o gini vulivuli na sopu kolu one,
23 ?Egua ti o tsaria, ‘Inau au tau naqugasi segeniqu,
24 Mo vaga goto na asi daki atsi e lavu na totu tana kaomate.
25 Igoe Israel, ko laka na tamiana ke gini pulo tuamu,
26 Na Taovia e tsaria, “Kalina ara tangolia kesa na mane komi maia e gini paluvangamana, me sauba kara paluvangamamui goto igamu sui na tinoni ni Israel kolugira nimui taovia tsapakae, ma nimui tinoni lokiloki, ma nimui manetabu, ma nimui propete.
27 Igamu amu goko vania na gai mamu tsaria, ‘Igoe nogo na tamaqu.’ Me vania na vatu, ‘Igoe nogo na tinaqu o vasuau.’ Me sauba ke paluvangamamui tana rongona igamu amu piloligi taniau inau, mamu tau ngaoa na pilovisutugua i koniqu. Bâ, mi kalina e gadovigamu na rota, migamu amu ngangaidato vaniau mamu tsaria, ‘!Taovia ko mai mo ko maurisigami!’
28 “?Igamu na Juda, laka iava igira na god peropero igamu amu aqosigira vanigamu segeni? !Igira nogo kara mai ma kara maurisigamu, ti vaga kara tangomana! Ara danga sosongo nimui god peropero, vaga nogo na dangaqira na verabau amu tamanina.
29 ?Megua ti amu goko korekore vaniau? ?Laka egua ti amu sove taniau inau?
30 Inau au kedegamu, me tau lelê pelugamu rongona igamu amu tau ngaoa kau gotosigamu. Mamu tû mamu matesigira sui nimui propete, vaga saikesa moa na laeone veveiga.
31 Igamu na tinoni ni Israel, kamu rongomia na omea inau au tsaria. ?Egua laka inau au seko vanigamu igamu vaga moa ti na kaomate, se na kao e rodo pulipuli? ?Laka egua ti amu tsaria, ‘Igami ami padangaoa moa na muriana na tobamami segeni. Me utu goto kami visutugua i konimu igoe?
32 ?Laka sa daki vaolu tangomana ke padalea gana inilau, se sa daki tauga vaolu nina polo na tauga? Bâ, migira moa niqu tinoni ara padaleau oka sosongo nogo.
33 “Israel, igoe o dona sosongo na takuviaqira na god peropero, vaga nogo kalina o takuvi tsarimuriqira gamu udu. Nimu sasaga igoe e seko liusia niqira sasaga na daki seko, mo sasaniginigira nimu sasaga tabaru.
34 Ma na polomu e dangalia na gabuqira na tinoni ara tau tamanina sa omea migira na tinoni dou, atsa moa ti igira ara tau dona na ba komi i laona na valemu. Me atsa moa o naua na omea vaga girani,
35 migoe o tsaria, ‘Inau au tau nogo tsukia sa sasi; me sauba na Taovia e utu goto ke kore vaniau inau.’ Minau nogo na Taovia sauba kau kedego rongona o tiapoia laka o sasi.
36 ?Egua ti e olioli sailagi na papadamu me tau totu kalavata i koniqu inau? Me sauba igira na Ejipt kara paluvangamamu lê, vaga ara nauvanigo nogo igira na Asiria.
37 Mi kalina igoe ko vanoligi tania na Ejipt ma na lovamu sauba ke ulutsuna tana vangamâ. Igoe o norugira kara sangago, minau nogo na Taovia au reisavigira igira, me utu goto ko adia sa omea dou i koniqira.”