1 Ma Job e goko babâ moa me tsaria,
2 me vaga saikesa goto na tseka e rota loki na aqo tana aso
3 Na vula ma na vula au tau lelê dona nagua au totu vania;
4 Mi kalina au tsaro laka kau maturu, me vaga moa ti e katsi sosongo na bongi;
5 Na koniqu e dangali poponoa na meri;
6 Ara liu tsaku sosongo na bongiqu, me varangi nogo kau mate,
7 “Niqu God, ko padatugua laka na mauriqu e kurikuri lê vaga moa ti na magomago;
8 Igoe o morosiau kalina ia, me sauba e utu lelê goto ko reiau tugua.
11 “!Tagara! !E utu goto kau totu mui!
12 ?Na rongona gua ti igoe o totu pituau sosongo vaga ia?
13 Mi kalina inau au padâ kau tsaro me ke gini bisi niqu sosongo,
14 migoe o totoposuliginiau na bolebole,
15 poi tsau kalina inau kau padâ laka ke dou bâ moa ti kara ligotiau ma kau mate,
16 Inau au qisi nogo na mauri.
17 “?Egua vaga na tinoni ti igoe o padaloki sosongolia?
18 Migoe o vilekea nina sasaga pipi tana matsaraka,
19 ?Sauba ke ngisa ti ko moroligi tetelo
20 ?Egua laka na sasi au naugira inau ara sekoligo igoe na vanga tuvi tinoni?
21 ?Me laka e utu vanigo ko padale vaniau niqu sasi