1 Ma na Taovia e tsarigotoa:
2 “A Job, inau na God Susuliga Sosongo, migoe o livusuguradi sosongo vaniau.
3 Ma Job e gokovisu vania na Taovia me tsaria:
4 “?Inau au tau sa rongona tinoni, ma nagua goto tangomana kau gini gokovisu vanigo Taovia?
5 Inau au gini gokonogoa danga sosongo na omea, me tau goto tuguau kau tsarigotoa sa omea.”
6 Mi laona na viru loki ma God e tû me gokovisu vania a Job me tsaria:
7 “Ko tû nogo kalina ia, mo ko goko mala mane,
8 ?Me laka igoe o ngaoa ko tovoa na tsodoana laka inau au vô na pedegoto,
9 ?Me laka igoe o susuliga atsa koluau inau?
10 Me ti ke vaga ia, migoe ko adia na sasaqu inau,
11 Mo ko morotsuna bâ i koniqira igira na vanga kaekae;
12 Eo, ko moro bâ i koniqira mo ko tsogori tsunaligira;
13 Ko munugira sui lakalaka tana kao;
14 Mi tana ti inau saikesa nogo na kesanina kau ida na tsonikaeamu igoe a Job,
15 “Mo ko reia bâ na Behomot, aia na tuqana vigo na omea atsi.
16 !E patsotso takuti na konina aia, me susuliga sosongo!
17 Ma na kalina e tudato vaga moa na gai na sida,
18 Na sulina ara kakai vaga moa na tapalamila,
19 “!Maia saikesa nogo e susuliga liuliu bâ i laoqira na omea tuavati sui inau au volagira!
20 Ma na buruburu na mani palaginiana ara viri dato i kelana tetena
21 Aia e tsatsaro i vavana na gai kokonaga,
22 Na gai kokonaga ma na gai melu ara dato liligina na kô
23 Maia e tau matagu kalina e tatave loki na kô
24 ?Masei tangomana ke dokolivania na matana me ke tangolia?