1 Ma Elihu e tsarigotoa,
2 Kamu rongomia igamu sui na tatangina na liona God,
3 Maia e moloa na angaanga ke kirapi taligu tana masaoka,
4 Mi muri me tangi loki na liona God e podamai tana quluqulu,
5 Mi tana nina ketsa nogo God ti ara gini laba na omea ganataga sui,
6 Aia e ketsalia na snou ke puka me ke tsavua na barangengo popono,
7 Mi kalina aia e nauvaganana ia, me utusiginigira na tinoni na nauana niqira aqo,
8 mara viri tsogoravi igira sui goto na omea tuavati atsi.
9 Na gugurina na tulonga loki e talu mai i ata,
10 Ma na mamagona God e naua mara gini tavongani kakai buto lê na kô loki.
11 Aia e dangaliginigira na kô na usa na parako matolu,
12 Ara vano bamai tana nina kili God vanigira,
13 Mi kalina God e moloa na usa ke lesovia na barangengo,
14 “Ko rorongo igoe a Job mo ko totu mui talu sa tagu tetelo,
15 ?Laka igoe o donaginia e naukoeguania God kalina aia e moloketsa vanigira na angaanga
16 ?Me laka igoe o donaginia e koegua ti igira na parako ara tsautsau lê tana masaoka,
17 Tagara goto, migoe o dona moa na gini rota lê na papara
18 God e taporatsania na masaoka i gotu me bulukaea tana sasana, me gini totu kalavata i tana.
19 E dou ti igoe ko tsaritutugu vanigami nagua kami tsarivania God;
20 “?Me ti vaga God ke dona laka au ngaoa na goko koluana,
21 “Reia bâ, na guguri e salamalea na masaoka, me gini sina maka na aso,
22 Migita a morosia bâ kesa na marara milamila e datomai i vava,
23 Gana susuliga God e loki sosongo me gini utu vanigita na ba varangisiana;
24 Aia nogoria na rongona ti igira na tinoni sui lakalaka ara matagunia aia;