1 Mi tana tagu vaga nogo ia, ma Hesekia na taovia tsapakae e lobogu loki sosongo me varangi nogo ke mate. Ma Isaia na propete, aia na dalena a Amos, e ba reia me tsarivania, “Na Taovia e tsarivanigo laka nimu aqo nomoa igoe ko mololakagira dou pipi sui nimu omea, rongona igoe sauba e utu ko dou visutugua tania nimu lobogu. Mo ko vangaraua moa na mate.”
2 Ma Hesekia e pilo bâ tana bengebenge, me nonginongi me tsaria,
3 “Taovia, ko padatugua laka inau au totukakai i konimu igoe mau aqo dou vanigo, mau tovo sailaginia na naudouana moa na omea igoe o ngaoa kau naua.” Mi tana maia e ngangai loki sosongo.
4 Mi muri, ma na Taovia e ketsaligotoa a Isaia
5 ke visu bâ tugua i konina a Hesekia me ke tsarivaganana iani vania, “Inau na Taovia nina God a David na mumuamu, au rongominogoa nimu nonginongi, mau reinogoa na kô na matamu. Minau au tamivanigo ko mauri babâ goto ke sangavulu tsege na ngalitupa.
6 Minau nogo sauba kau laumaurisigo igoe, ma na verabau ni Jerusalem goto, tania na limana na taovia tsapakae ni Asiria. Me sauba kau reitutugu babâ moa na verabau iani.”
7 Ma Isaia e gokovisu me tsaria, “Aia nogo na Taovia sauba ke sauvanigo kesa na padapada gana ke sauvulagia laka sauba ke manali vanigo na omea e vekenogoa.
8 Mi tana mani tsotsodato bâ tana e atsa i gotu tana vale e logoa a Ahas na taovia tsapakae, na Taovia sauba ke naua ma na auauna na aso ke tavongani ratsuvisu i muri ke sangavulu na tsakutua.” Ma na aso e tavongani ratsuvisu i muri e sangavulu na tsakutua.
9 Mi murina kalina e dou visutugua a Hesekia tania nina lobogu, maia e marea na linge na tsonikae iani:
10 Inau au padâ laka sauba nogo kau vano tana barangengo na mate,
11 Mau padâ laka sauba ke utu nogo kau reitugua na Taovia,
12 Na mauriqu e takuti me sui nogo,
13 Tana bongi popono au gini ngangai loki na sosongo,
14 Me tau nogo tangi laba se ke tangi maka na tatangina niqu goko.
15 ?Ma nagua goto kau tsaria inau? Na Taovia nogo e naua na omea iani.
16 Taovia, inau sauba kau mauri vanigo moa igoe, vanigo segeni moa,
17 Niqu vatsangi savi e oli me lia na rago.
18 Me tagara goto ke kesa e totu tana barangengo na mate ke tangomana na tsonikaeamu;
19 Migira moa ara mamauri ara dona na tsonikaeamu igoe,
20 Taovia, igoe o tali maurisiau nogo inau.