1 Mi kalina na Taovia e laumaurisia a David tania na limana a Saul migira goto gana gala tavosi, maia David e teâ na linge iani vania na Taovia:
2 Na Taovia aia nogo niqu reitutugu,
3 Niqu God aia nogo e reitutuguau,
4 Inau au soâ na Taovia,
5 Na panuna na mate ara polipoliau;
6 Na sosorina na mate ara virigi poliau,
7 Mi laona niqu rota inau au soâ na Taovia;
8 !Mi tana, ma na barangengo e kakanu me olaola takuti;
9 Na pungu bau e ngusu rutsumai tana babana na isuna,
10 E ratsivotâ na masaoka me tsunamai,
11 Aia e gini lovo tsaku tana rapona na angelo;
12 Maia e gini popolo popono moa na rodo;
13 mi tana mararana na makana ara botsamai na kirapina na angaanga.
14 Mi tana, ma na gokona na Taovia aia e totu tana parako, e poda loki vaga na vivisa,
15 Maia e gini vanavana nina pipili me sarangasigira gana gala;
16 Na pakokana na mao rodo e mamatsa kuti lê,
17 Tû i gotu na Taovia e tatango tsunamai i lao me tangoliau,
18 Aia e laumaurisiau tania na limaqira susuliga igira gaqu gala,
19 Mi kalina inau au totu moa i laona na rota loki migira ara maiginiau,
20 Aia e sangaau mau gini tanusi tania na rota;
21 Na Taovia e sauvaniau na peluna rongona au naua na omea e goto i matana;
22 Inau au muridoua nina ketsa na Taovia;
23 Inau au muritaonigira pipi sui nina vali;
24 Maia e donagininogoa laka au tau tsukia sa sasi,
25 Maia nogo na rongona ti aia e gini tusua vaniau na peluna rongona inau au naua na omea e goto i matana,
26 Taovia, igoe o mana vanigira igira ara mana vanigo,
27 Igoe o sauvulagia nimu sasaga male vanigira igira ara sasaga male i matamu,
28 Igoe o maurisigira igira ara totu palatsuna,
29 Eo Taovia, igoe nogo niqu marara;
30 Igoe o malagaisiau agana kau gini susuliga na baginiaqira gaqu gala,
31 !Na God iani e gotolaka pipi nina aqo aia e naua,
32 Na Taovia aia segenina moa e God;
33 Aia nogo na God e sangaau ti au gini susuliga;
34 Me naua na tuaqu kara tsotso kakai dou vaga moa na tuana na dia;
35 Aia e sasaniginiau na omea sui gana na vailabu,
36 Taovia igoe nogo o reitutuguau mo maurisiau;
37 Igoe nogo o mangâ na sautu vaniau tana kau liu bâ,
38 Inau au takuvigira gaqu gala mau tangoligira;
39 Au labupukaligira me utu goto vanigira kara tû;
40 Igoe nogo o sauvaniau na susuliga gana na vailabu
41 Igoe nogo o naua mara tsogo lê taniau igira gaqu gala;
42 Igira ara lavea kesa ke sangagira, me tagara lelê ke kesa ke maurisigira;
43 Inau au tsogori rapasigira, migira ara rapa vaga saikesa ti na papasa lê;
44 Igoe o maurisiau tania na limaqira niqu tinoni vanga livusuguradi,
45 Igira na tinoni ni veratavosi ara tsuporu i mataqu;
46 E viri puka lê sui gaqira susuliga,
47 !Na Taovia aia e totu mamauri manana! !Tsonikaea aia niqu reitutugu!
48 Aia e sauvaniau na tangomana na tuliusiaqira igira gaqu gala;
49 me maurisiau tania na limaqira gaqu gala.
50 Maia nogoria na rongona ti inau au gini tsonikaego i laoqira na puku tavosi sui;
51 God e saua na tangomana loki sosongo vania nina taovia tsapakae;