1 Iani nogo na soaqira babâ igira ara ida pipi tana vungu ma na duli tana Israel, migira goto niqira mane sasanga ara sangagira na tagaoviana na vavanona na aqo vania na taovia tsapakae. Pipi vula i laona na ngalitupa ara vaioligi na alaala, mi laona pipi alaala ara rukapatu vati toga na mane ara aqo i vavana aia e taovia tagao vanigira tana vula ia.
23 Mi kalina a David na taovia tsapakae e naua na tsoko tinoni, maia e tau adia na soaqira na tinoni tu tana rukapatu ngalitupaqira me tsuna, rongona na Taovia e vekenogoa laka aia ke naua migira na tinoni ni Israel kara danga vaga saikesa moa na veitugu tana masaoka.
24 Maia Joab aia na dalena ko Seruia, e tuturiga moa na tsoko tinoni, me tau moa suilavaginia. God e kedegira na Israel rongona ara naua na tsoko tinoni iani, me vaga ia mara tau maretsunagira na dangana popono na tinoni i laona nina papi na mamare soa a David na taovia tsapakae.
32 Maia Jonatan na niana a David na taovia tsapakae e dona dou sosongo na sauparovata me sasani loki. Maia kolugotoa a Jehiel na dalena a Hakmoni kaira ara ka tagaovia niqira sasani igira na dalena na taovia tsapakae.
33 Ma Ahitopel aia nina aqo na sauparovata vania na taovia tsapakae, ma Husai na Arka aia nogo na kulana dou sosongo na taovia tsapakae ma nina mane gana na parovataviana.
34 Mi murina na mateana a Ahitopel, mi kaira a Abiatar ma Jehoiada, aia na dalena a Benaia, ara ka lia nina mane na sauparovata. Ma Joab nogo e lia na taovia tagao vanigira nina mane vaumate na taovia tsapakae.