1 Migira ara adia na Bokisi na Taso mara ba moloa tana sasana i laona na valepolo i tana aia David e vangarau manogativaninogoa. Mi muri, mara savorigira vania God na savori-kodokodo ma na sausau tangomana na tinoni kara ganipatâ na turina.
2 Mi kalina a David e savorigira sui nogo na kodoputsa, maia e tû, me tabugira na tinoni tana asana na Taovia,
3 me tuvaria na mutsa vanigira sui. Pipi na mane ma na daki ni Israel ara tango kesa sivona bredi, me kesa na paparina na velesina buluka kodokodo, me visana na vuana uaeni makede.
4 Ma David e viligira visana na Levite kara totu sailagi i matana na Bokisi na Taso ma kara tau kuti na samasama vaniana na Taovia na God ni Israel, ma na soadouana ma na tsonikaeana.
5 Me vilia a Asap ke lia gaqira ida, ma Sekaria gana sasanga. Mi tugira a Jeiel, ma Semiramot, ma Jehiel, ma Matitia, ma Eliab, ma Benaia, ma Obed Edom ma Jeiel kara tu taigira na itai tatangi. Ma nina aqo a Asap ke rekesia na tsetsê,
6 mi kaira a Benaia ma Jahasiel na mane tabu kara ka uvisailaginia na tavuli i matana na Bokisi na Taso.
7 Mi tana dani nogo ia ma David e mologinia a Asap migira gana sasanga na Levite tavosi kara tagaovia na linge na tsonikaeana na Taovia.
8 Soadoua na Taovia, katevulagia gana loki tsapakae;
9 Linge na tsonikaeana na Taovia;
10 !Ka gini mage loki igita tana rongona igita nina tinoni nogo aia!
11 Igita ka ba laba i konina na Taovia rongona aia ke sangagita;
14 Na Taovia aia nogo nida God;
15 Kamu laka na padaleana na vaitasogi God e naua kolugita,
16 aia nogo na vaitasogi e naukolua a Abraham
17 Na Taovia e naua kesa na vaitasogi kolua a Jakob,
18 Maia e tsarivania, “Inau sauba kau sauvanigo na kao ni Kanaan,
19 Igira nina tinoni God e tsaurae lê na dangaqira,
20 Ara liu bamai moa tû kesa tana vera mara ba kesa tana vera tavosi,
21 Mi tana tagu popono ia, ma God e tau tamivania ke kesa ke bingi sekoligira;
22 “Kamu laka na sekoliaqira igira niqu tinoni inau au viligira;
23 !Linge vania na Taovia igamu na momoru taligu!
24 Katevulagia gana loki tsapakae vanigira na puku sui pipi tana vera,
25 Na Taovia e loki tsapakae, me ulagana sosongo nomoa igita ka tsonikaea;
26 Ma niqira god igira na puku tavosi sui na nununa lê moa na gai ara katsua,
27 Na Taovia e loki tsapakae me tangiloki na rongona;
28 Tsonikaea na Taovia igamu na toga sui tana barangengo,
29 Soadatoa na asana tabu na Taovia;
30 migamu sui tana barangengo popono kamu gariri i matana aia.
31 !Kara ka magemage kaira na barangengo ma na masaoka!
32 Kara viri leleo takuti na tasi loki me pipi sui lakalaka na omea ara mauri i laona;
33 Migira sui goto na gai i laona na legai atsi kara gudato tana magemage i matana na Taovia,
34 Soadoua na Taovia rongona aia segeni e dou sosongo;
35 Kamu tsarivania, “God nimami vagamauri, ko maurisigami,
36 !Tsonikaea na Taovia na God ni Israel!
37 Ma David e moloa a Asap kolugira gana sasanga igira na Levite tavosi kara ida kalavata tana aqona na samasama ara naua pipi dani i Jerusalem tana nauana i tana e totu na Bokisi na Taso.
38 Me mologotoa a Obed Edom na dalena a Jedutun kolugira ara ono sangavulu alu na mane tana nina duli segeni nogo ia kara sangagira. Mi kaira a Hosa ma Obed Edom ara ka tagaovia na aqona na mataliaqira na matsapakapu.
39 Maia Sadok na manetabu kolugira gana sasanga na manetabu tavosi ara totu moa i Gibeon, mara tagaovia na aqona na samasama vania na Taovia tana nauna na mani samasama i tana nogo.
40 Me pipi tana matsaraka ma na ngulavi niqira aqo nogo igira kara kodogira na savori-kodokodo i kelana na belatabu, taoninogoa na omea ara marea tana papi na Ketsa aia na Taovia e sauvanigira na Israel.
41 Mi kaira a Heman ma Jedutun ara ka totu kolugira goto i tana, kolugira goto visana ara viligira nogo gana kara lingena na tsonikaeana na Taovia rongona nina galuve vo oli.
42 Mi kaira nogo a Heman ma Jedutun ara ka tagaovigira igira ara uvi tavuli migira ara rekesi tsetsê, migira sui goto na omea tatangi tavosi ara gini sinagi kalina ara lingena na tsonikaeana God. Migira na mane tana duli konina a Jedutun igira nogo ara tagaovia na aqona na mataliaqira na matsapakapu.
43 Me sui ia, migira sui ara visutugua i veraqira, maia David goto e vano i valena me ba totu kolugira nina tamadale.