1 ಮನ್ಹುನ್ ಆಮಿ ಐಕ್ಲ್ಯಾಲ್ಯಾ ಗುಶ್ಟಿನಾ ಚು಼ಕುನಾಹಿ ಮನ್ಹುನ್ ಖುಭ್ ಲಕ್ಷೆ ದಿಯಾ ವ್ಹಯಿ.
2 ದೇವಾನಿ ಆಪ್ಲ್ಯಾ ದುತಾಂಚಾಂಪ್ನಿ ಆಮ್ಚಾ ವಡ್ಲಾನಾ ದಿಲ್ಯಾಲಾ ಸಂದೇಶ್ ಘಟ್ ರಾಹ್ಯಾ, ತ್ಯೊ ವಲ್ಯಾಂಡುನ್ ಕೆಲ್ಯಾಲೆ ಪರತೆಕ್ ಚು಼ಕಿಲಾ ಆನಿ ಸಾಂಗಲ್ಯಾಲ ಐಕಿತ್ ನಸಲ್ಯಾಲ್ಯಾಲಾ ಶಿಕ್ಷೆಚ಼ ಪ್ರತಿಫಳ್ ಗೆತಲ್ಯಾ.
3 ಆಮಚೆ ಮೊರ್ಹ ಥೆವಲ್ಯಾಲ ಖುಬ್ ಶ್ರೆಸ್ಟ್ ಜಾ಼ಲ್ಯಾಲ ರಕ್ಷೆನ್ ಆಮಿ ನಿಸ್ಕಾಳಜಿ ಕೆಲ್ಯಾವ ಚು಼ಕುವುನ್ ಗಿಹ್ಯಾಚ಼ ಕಸ? ಹ್ಯ ದೆವಾನಿ ಆಂದಿಸ್ ಸಾಂಗ್ಲ ಹುತ ಆನಿ ತ್ಯಚಿಪ್ನಿ ಐಕಲ್ಯಾಲ್ಯಾಂಚಾನಿ ಹ್ಯ ಆಮಾನಾ ಖರ ಕರುನ್ ದಿಲ್ಯಾ.
4 ತವಾಸ್, ದೇವಾನಿ ಸಗ್ಳೆ ತರಚಿ ಅದ್ಬುತ ಆನಿ ಚಮತ್ಕಾರ ಆನಿ ಆಪ್ಲ್ಯಾ ಮನಾ ಶಾರ್ಕ ಪವಿತ್ರಾತ್ಮಾಚಿ ವರ ದಿವುನ್ ದೆವಾನಿ ಆಪ್ನಿಸ್ ಸಾಕ್ಷಿ ಮಿಳಿವ್ಲಿ.
5 ಮೊರ್ಹ ಯತ್ಯಾಲಿ ನವಿ ದುನ್ಯಾ ಚಾ಼ಲ್ವಾಯಾ ದೇವಾನಿ ದೇವ್ ದುತಾನಾ ನಿವಡ್ಲ ನಾಹಿತ. ಆತಾ ಆಮಿ ತುಮಾನಾ ಸಾಂಗಾಚ಼ ತೆ ದುನೆಚ಼ಸ್.
6 ತ್ಯ ಪವಿತ್ರ ಪುತಿಕಾತ್ ಯಕಿಕ್ಡ ಆಸ ಸಾಂಗ್ಲ್ಯಾ:
7 ತು ತ್ಯಲಾ ದೇವ್ ದುತಾವ್ನಿ ಥೊಡಾಸ್ ಕಮ್ಮಿ ಕೆಲ್ಯಾಸ್.
8 ತು ಸಗ್ಳ ತ್ಯಚಾ ತಾಬ್ಯಾತ್ ದಿಲ್ಯಾಸ್. ” ಕೀರ್ತನೆ 8:4-6
9 ಫನ್ ಯೇಸುಲಾ ದೇವ್ ದುತಾವ್ನಿ ಜ಼ರಾ ಕಮ್ಮಿ ಕೆಲಾ. ಕಾ ಮಂಜೆ ದೇವಾಚೆ ಕೃಪಾಸ್ ಲಾಗುನ್ ತ್ಯೊ ಸಗಳ್ಯಾಂಚೆ ಸಾಟಿ ತರಾಸ್ ಖಾವುನ್ ಮೆಲಾ. ಮೈಮಾ, ಮರೆದಿಚ಼ ಕಿರೀಟ ಗ್ಯಾತ್ಲ್ಯಾಲ್ಯಾಲಾ ಆಮಿ ಬಕ್ತಾವ್.
10 ಸರ್ವ ಉತ್ಪನ್ ಕೆಲ್ಯಾಲ ದೇವಾನಿಸ್. ಸರ್ವ ತ್ಯಚೆ ಮೈಮಾಸಾಟಿಸ್ ಘಡ್ಲ. ದೇವಾನಿ ಆಪ್ಲಿ ಜಾ಼ಲ್ಯಾಲ್ಯಾ ಖುಭ್ ಲೊಕಾನಾ ಮೀಳುನ್ ತ್ಯಂಚಿ ಸಂಗ ಆಪ್ಲಿ ಮೈಮಾ ವಾಟಾಯಾ ಮನ್ ಕೆಲ. ಮನ್ಹುನ್ ತ್ಯನಿ ತ್ಯನಾ ರಕ್ಷನೆಲಾ ಚಾ಼ಲ್ವಾಯಾ ಸಗ್ಳೆ ತರನಿ ಆಸ್ನಾರ್ಯಾ ಯಕಾಲಾ ಥೆವ್ಲಾ. ತ್ಯೊಸ್ ಯೇಸು. ದೇವಾನಿ ತ್ಯಲಾ ಕಷ್ಟಾಸ್ ಲಾಗುನ್ ಸರ್ವೆ ತರನಿ ರ್ಯಾಕ್ನಾರಾ ಕೆಲಾ.
11 ಲೊಕಾನಾ ಪರಿಶುದ್ ಕರ್ನಾರಾ ಯೇಸುಸ್ ಆನಿ ತ್ಯಚಿಪ್ನಿ ಪರಿಶುದ್ ವ್ಹನಾರಿ ಲೊಕ ಯಕಾಸ್ ಕುಟ್ಮಾತ್ಲಿ ಜಾಲ್ಯಾತ. ಮನ್ಹುನ್ ತ್ಯಾ ಲೊಕಾನಾ ಬನ್ಹಿ ಬಾಹು ಮನ್ಹುನ್ ಹಾಕ್ಟಾಯಾ ತ್ಯೊ ಲಾಜ಼ತ್ ನಾಹಿ.
12 ಯೇಸು ಸಾಂಗ್ತೊ:
13 ತ್ಯೊ ಆನಿಕ್ ಸಾಂಗ್ತೊ:
14 ತ್ಯಾ ಪೊರಾನಾ ಪರಪಂಚಾತ್ಲ ಶರೀರ್ ಗಾವ್ಲ ಮನ್ಹುನ್ ಯೇಸುನಿ ಆಪ್ನುಸ್ ತ್ಯಂಚಿಗತ್ ಜಾ಼ಲಾ. ತ್ಯೊ ಆಪ್ಲ್ಯಾ ಮರ್ನಾಸ್ ಲಾಗುನ್ ಮರ್ನಾಚಾ ಅಧಿಕಾರ್ಯಾಲಾ ಮಂಜೆ ಸೈತಾನಾಲಾ ನಾಸ್ ಕರುನ್,
15 ಆನಿ ತ್ಯನಾ ಸೊಡ್ವಾಯಾ ವ್ಹಯಿ ಮನ್ಹುನ್, ತ್ಯಂಚಿಗತ್ ವ್ಹವುನ್, ಮೆಲಾ,ಮರ್ನಾಚಾ ಭ್ಯಾನಿ, ಜೀವ್ನಾ ಸಗ್ಳಾ ಗುಲಾಮಾಂಚಿಗತ್ ಕರಿತಿತ.
16 ತ್ಯೊ ಮಜ಼ತ್ ಕರ್ತ್ಯಾಲಾ ಅಬ್ರಹಾಮಾಚೆ ಪಿಳ್ಗಿಲಾ ಸುಡುನ್ ದೇವ್ ದುತಾನಾ ನವ್ಹ.
17 ಹ್ಯಾ ಕಾರನಾನಿಸ್ ತ್ಯೊ ಸಗ್ಳೆ ತರನಿ ಅಪ್ಲ್ಯಾ ಬನ್ಹಿ ಬಾವ್ಹಾನು ಶಾರ್ಕ ವ್ಹಯಾ ವ್ಹಯಿ ಜಾ಼ಲಾ. ದೇವಾಚೆ ಸೇವೆತ್ ತ್ಯೊ ಲೊಕಾನಾ ಕರ್ನಾ ಆಸ್ನಾರಾ ಇಸ್ವಾಸಾಚಾ಼ ಜಾ಼ಲ್ಯಾಲಾ ಮೊರ್ಹ್ಯಾ ಯಾಜಕ್ ಜಾ಼ಲಾ. ಆಸಾ ತ್ಯೊ ಲೊಕಾಂಚಾ ಪಾಪಾಂಚೆಸಾಟಿ ಮಾಪಿ ಆನಾಯಾ ಜಾ಼ಲ.
18 ಆಪ್ನುಸ್ ಪರಿಕ್ಷೆತ್ ಗಾವುನ್ ತರಾಸಾತ್ ಗಾವ್ಲಾ ಮನ್ಹುನ್, ಪರಿಕ್ಷೆತ್ ಗಾವಲ್ಯಾಲ್ಯಾ ಲೊಕಾನಾ ಮಜ಼ತ್ ಕರಾಯಾ ಆತಾ ತ್ಯೊ ಖರಾ ಜಾ಼ಲ್ಯಾ.