1 ಸಿಂಹಾಸನಾವ ಬಸ್ಲ್ಯಾಲ್ಯಾಚಾ ಉಜ಼್ವ್ಯಾ ಹಾತಾತ್ ಮೀ ಯೇಕ್ ಇಡಿ ಬಗ್ಲಿ. ತ್ಯಚೆ ದುಯಿಕ್ಡ ಲಿವ್ಲ್ಯಾಲ ಹುತ್ತ. ತ್ಯಚಿವ ಸಾತ್ ಸಿಕ್ಕ ಮ್ಯಾರ್ಲ ಹುತ್ತ.
2 “ಮೊಟಾ ದೇವ್ ಧುತ್ ಜೊ಼ರಾನಿ ವರ್ಡುನ್ ಹೆ ಇಡಿಚ಼ ಸಿಖ ಕಾಡ್ನಾರಾ ಕೊನ್ ಹಾ? ಮನ್ಲಾ.
3 ಫನ್ ಸ್ವರ್ಗಾತ್ ವ್ಹವುನಿ ದರ್ಥಿವ ವ್ಹವುನಿ ಪಾತಾಳಾತ್ ವ್ಹವುನಿ ಹೀ ಇಡಿ ಸುಡುನ್ ಬಗ್ನಾರಾ ಕೊನ್ ನವ್ಥಾ ಮನ್ಹುನ್.
4 ಶೊಡ್ನಾರಾ ನಾಹಿತ ಬಗ್ನಾರಾ ಕೊನುಸ್ ನಾಹಿ ಮನ್ಹುನ್ ಮೀ ಖುಬ್ ರಡ್ಲೊ.
5 ಫನ್ ವಡ್ಲಾತ್ಲ್ಯಾ ಯಕಾನಿ ಮನಾ ರಡುನಕೊ ಬಗ್ ಯುದ್ ಕುಲಾತ್ಲಾ ಸಿಂವ್ ಜಾ಼ಲ್ಯಾಲಾ ಕ್ರಿಸ್ತ ಜಿತ್ಲ್ಯಾ ತ್ಯೊ ದಾವಿದಾಚೆ ಪಿಳ್ಗಿತ್ಲಾ. ತ್ಯೊ ಇಡಿ ಆನಿ ತ್ಯಚ಼ ಸಾತ್ ಸಿಕ್ಕ ಉಗಡ್ತ್ಯಾಲಾ ಜಾ಼ಲ್ಯಾ ಮನ್ಹುನ್ ಸಾಂಗ್ಲ.
6 ಮಂಗ್ ಸಿಂಹಾಸನಾಚಾ ಆನಿ ಚಾರ್ ಜೀವಾಂಚೆ ಮದ್ದಿ ಯಾಕ್ ಮಿಂಡುರ್ ಮೀ ಬಗ್ಲ ಜಾಂತ ಸಾಹಿತ್ ತ್ಯಾ ಮೆಂಡ್ರಾಚೆ ಸರ್ಬೌರ್ ಹುತ್ತ. ತ್ಯ ಮಿಂಡುರ್ ಮಾರುನ್ ಟ್ಯಾಕ್ಲ ತ್ಯಲಾ ಸಾತ್ ಸಿಂಗ ಆನಿ ಸಾತ್ ಡೊಳ ಹುತ್ತ. ಹೇ ಹ್ಯಾ ಲೊಕಾತ್ ಲಾವುನ್ ದಿಲ್ಯಾಲಿ ದೇವಾಚಿ ಸಾತ್ ಆತ್ಮ ಜಾ಼ಲ್ಯಾತ.
7 ತ್ಯಾ ಮೆಂಡರಾನಿ ಯವುನ್ ಸಿಂಹಾಸನಾವ ಬಸ್ಲ್ಯಾಲ್ಯಾಚಾ ಉಜ಼್ವ್ಯಾ ಹಾತಾತ್ಲಿ ಇಡಿ ಗಿತ್ಲಿ.
8 ತವಾ ಚಾರ್ ಜೀವಿ ಆನಿ ಇಸಾವ ಚಾರ್ಜಾ಼ನ್ ಜಾಂತ್ಯಾಂಚಾನಿ ತ್ಯಾ ಮೆಂಡ್ರಾಚೆ ಮೊರ್ಹ ನಡ್ಗ ಟಿಕ್ವುನ್ ನಮಸ್ಕಾರ್ ಕೇಲಾ ಪರತೇಕಾಚಾ ಹಾತಾತ್ ತಾರಚಿ ವಾಜ಼್ಪ ಹುತ್ತಿತ. ದುಫಾನಿ ಬರ್ಲ್ಯಾಲಿ ಸೊನ್ಯಾಚಿ ಐದಾನ ತೇ ದರ್ಹುನ್ ಹುತ್ತ. ತೀ ಐದಾನ ದೇವಾಚಾ ಚಾಂಗಲ್ಯಾ ಲೊಕಾಂಚಿ ಮಾಗ್ನಿ ಜಾ಼ಲ್ಥಿತ.
9 ತ್ಯಂಚಾನಿ ಮೆಂಡ್ರಾಸಾಟಿ ಯಾಕ್ ನವ್ಹ ಗೀತ್ ಗ್ಯಾವ್ಲ:
10 ತು ತ್ಯನಾ ಆಮ್ಚಾ ದೇವಾಚಿ ಸೇವಾ ಕರಾಯಾ ಆನಿ ಯೇಕ್ ಯಾಜಕಾಂಚಾ಼ ರಾಜ್ ಕೆಲ್ಯಾ
11 ಮಂಗ್ ಮೀ ಬಗ್ಲತವಾ ಖುಬ್ ದೇವ್ ದುತಾಂಚಾ಼ ಆವಾಜ಼್ ಐಕ್ಲಾ ಹೇ ದೇವ್ದುತ್ ಸಿಂಹಾಸನಾಚಾ ಚಾರ್ ಜೀವಿಂಚೆ ಆನಿ ಜಾಂತ್ಯಾಂಚೆ ಸರ್ಬವ್ಹಾರ್ ಹುತ್ತ. ತ್ಯಂಚಾ಼ ಇಸೊಬ್ ಲಾಖ ಲಾಖನಿ ಕುಠಿ ಕುಠಿನಿ ಹುತಾ.
12 ಹೇ ಸಗ್ಳ ಜೊ಼ರಾನಿ ಆಸ ಮನ್ಲ:
13 ಯವ್ಡಸ್ ನವ್ಹ ಆಬ್ಳಾತ್ ಆನಿ ದರ್ಥಿವ ದರ್ಥಿಚೆ ಬುಡಿ ಸಂಮಿದೊರಾತ್ ಆಸ್ಲ್ಯಾಲ್ಯಾ ಪರತೇಕ್ ಜೀವಿಲಾ ಆಸ ಸಾಂಗ್ತ್ಯಾಲ ಐಕ್ಲ:
14 ತೇ ಚಾರ್ ಜೀವಿ “ತಸಸ್ ವ್ಹವುನಿ!” ಮಂತ್ಯಾತ ಜಾಂತ್ಯಾಂಚಾನಿ ನಡ್ಗ ಗಾಲ್ಹುನ್ ವವ್ಯಾಳಾ.