1 Nuuni haasayaa gitabay hessa. Saluwan Ubbaafe Bolla Xoossaa araatappe ushachcha baggan uttida hayssa mela kahine halaqay nuus de7ees.
2 I asan gidonnashin Godan eqqida tuma dunkkaaniyan Xoossa Keethan oothees.
3 Kahine halaqa ubbay imonne yarshsho yarshshanaw shuumettees. Hessa gisho, ha kahiney yarshshanaw issibay daanaw koshshees.
4 Higgey kiiteyssada yarshshiya kahineti de7iya gisho Kiristtoosi sa7an de7iyabaa gidiyakko kahine gidenna.
5 Entti kahinetethan oothiya dunkkaaney salon de7eyssas leemisonne kuya. Musey dunkkaaniya essiya wode Xoossay iyaakko, “Taani nena deriya bolla bessida leemisuwa kaallada ootha” yaagis.
6 Shin Yesuusi giddo gididi sigethiya caaqoy, koyro caaquwappe aadhdheyssada I ekkida oosoy enttayssafe aadhdhees. Hessi eqqiday aadhdhiya caaqo qaalana.
7 Koyro caaquwan bali baynaba gidiyakko nam77antho caaqo koshshenna.
8 Shin Goday iya boridi, hayssada yaagis:
9 He caaqoy ta entta aawata Gibxxe biittaafe kushiya oykkada,
10 Shin hizappe guye Isra7eele asaara
11 Enttafe oonikka ba shooruwa woykko ba ishaa,
12 Taani entta naaquwa atto gaana;
13 Xoossay ha caaquwa “Oorathi” gidi xeegishe koyroyssa gal77isis. Hiza, gal77aynne ceegay dhayaa wodey gakkis.