1 ታኒ ሳሎን ሃራ ጊታኔ ማላሊሲያ ማላታ ቤዓስ። ፆሳ ዉርሴ ሃንቁዋ ቆንጪሲያ ላፑን ቦሻታ ኦይኪዳ ላፑን ኪታንቾቲ ዴዖሶና።
2 ቃሲ ታማራ ዋላኬቲዳ ቡርጩኮ ኣባ ዳኔይሳ ቤዓስ። ሄ ኣባ ጋፃን ዶዓ፥ ኢያ ሚሲሊያኔ ኢያ ሱን ታይቡዋ ፆኒዳይሳታ ቤዓስ። ፆሳይ ኤንታው ኢሚዳ ዲ ኦይኪዲ ኤቂዶሶና።
3 ኤንቲ ፆሳ ኣይሊያ ሙሴ ማዝሙሪያኔ ዶርሳ ማዝሙሪያ ሃይሳዳ ያጊድ ዬፆሶና።
4 ጌሺ ኔ ፃላላ ጊዲያ ጊሾ
5 ሄሳፌ ጉዬ፥ ሳሎን ዶዬቲዲ ዴዒያ ፆሳ ኬ፥ ኢካ ማርካቴ ዱንካኒያ ቤዓስ።
6 ላፑን ቦሻታ ኦይኪዳ ላፑን ኪታንቾቲ ፆሳ ኬፌ ኬዪዶሶና። ኤንቲ ጌሺኔ ጶሊያ ሊኖ ማዖ ማዒዶሶና፤ ባንታ ቲራን ዎርቃ ዳንጮ ዳንጪዶሶና።
7 ኦይዱ ሜቴታፔ ኢሶይ፥ ሜሪናው ዴዒያ ፆሳ ሃንቆይ ኩሚዳ ላፑን ዎርቃ ፁዓታ ላፑን ኪታንቾታስ ኢሚስ።
8 ፆሳ ቦንቹዋፌኔ ኢያ ዎልቃፌ ዴንዶይሳን ፆሳ ኬይ ጩያን ኩሚስ። ላፑን ኪታንቾቲ ኦይኪዳ ላፑን ቦሻቲ ፖሌታና ጋካናው ፆሳ ኬ ኦኒካ ጌላናው ዳንዳዒቤና።