1 ኑኒ ኮይሮፔ ዶሚዲ ዴዒያ፥ ኑ ሃይን ሲዒዳ፥ ኑ ፄሊዳ፥ ኣይፊያን ቤዒዳ፥ ኑ ኩሺያን ቦቺዳ ዴዖ ቃላባ ሂንቴው ፃፎስ።
2 ሄ ዴዖይ ቆንጪን፥ ኑኒ ኢያ ቤዒዲ፥ ኢያባ ማርካቶስ። ኣዋ ማታን ዴዒያ ኑስ ቆንጪዳ፥ ሜሪና ዴዑዋባ ሂንቴው ኣዋጆስ።
3 ኑራ ሂንቴው ኢሲፌቴ ዳና ሜላ ኑኒ ቤዒዳይሳኔ ሲዒዳይሳ ሂንቴው ኦዶስ። ሂንቴው ኑራ ኢሲፌቴ ዴዒያ ጊሾ ኣዋራኔ ኢያ ናዓ ዬሱስ ኪሪስቶሳራ ኢሲፌቴ ዴዔስ።
4 ኑ ኡፋይሳይ ፖሎ ጊዳና ሜላ ሄሳ ሂንቴው ፃፎስ።
5 ኑኒ ዴዖ ጊዲዳ ኢያፔ ሲዒዲ፥ ሂንቴው ኦዲያ ኪታይ ሃይሳ፡ «ፆሳይ ፖዖ፤ ኢያን ሚ ባዋ» ያጌይሳ።
6 ኑስ ኢያራ ኢሲፌቴ ዴዔስ ያጊሼ ማን ዴዒኮ፥ ኑ ኦዳኒኔ ኑ ኦሱዋን ዎርዶቶስ።
7 ሺን ፖዖን ኢ ዴዔይሳዳ፥ ኑካ ፖዖን ዴዒኮ፥ ኑስ ዎሊ ጊዶን ኢሲፌቴ ዴዔስ። ኢያ ናዓ፥ ዬሱሳ ሱይ ናጋራ ኡባፌ ኑና ጌሼስ።
8 ኑኒ፥ ኑናን ናጋሪ ባዋ ጊኮ ኑ ኑና ጪሞስ፤ ኑናን ቱሚ ባዋ።
9 ሺን ፆሳስ ኑ ናጋራ ፓፂኮ፥ ኢ ኑ ናጋራ ኣቶ ጋናዉኔ ኑ ቆሆ ኦሶ ኡባፌ ኑና ጌሻናው፥ ኣማኔቲዳይሳኔ ቱማ።
10 ኑኒ ናጋራ ኦቦኮ ጊኮ ፆሳ ዎርዳንቾ ኬሶስ፤ ኢያ ቃላይካ ኑናን ዴና።