1 Istti Xoossa Taabotaa ehidi Dawiti Taabotaa woththanaas tolida dunkaaneza giddon woththida; histtidi xuugettiza yarshonne issifeteththa yarsho Xoossas yarshida.
2 Dawiti xuugettiza yarshozanne issifeteththa yarsho yarshidaappe guye GODAA sunththan dereza anjjides.
3 Hessafe guye Isra7eele asa ubbaas, maccassaassinne attumasaas, hu7en hu7en issi issi guuththa uketh, issi issi qanxxo ashonne issi issi zabibe kompa gishides.
4 GODAA Taabotaa sinththan ooththana malanne GODAA Isra7eele Xoossa woossanaas, sabbanaassinne galatanaas Dawiti Lewe qommotappe guuththata sunththides.
5 Leweta halaqay Aasaafe; izappe garsara Zakaraasa; Zakaraasara dizayti Yi7i7eele, Shamiramoote, Yihi7eele, Matitiya, Elyaabe, Bannayanne Obeed-Eedoomenne Yi7i7eele; heyti maasinqonne diith diixxana mala summida; Asaafi gidikko daala qaaththanaas summides.
6 Qeese Bannayaynne Yahazi7eeley Xoossaa Taabotaa sinththan ubba wode zaye punnana mala summida.
7 He gallas Dawiti kasetidi Aasaafessinne izara ooththiza laggetas GODAA galatiza mazamure immides.
8 GODAA galatite;
9 Iza sabbite;
10 Iza geeshsha sunththaan
11 GODAANNE iza wolqqa xomosite;
12 Izi ooththida malalisiza oosota,
13 Intteno Xoossa aylle
14 Izi GODAY nu Xoossa;
15 Ba caaqqida qaalaa mernaas,
16 Abrahaames caaqqida caaqaa,
17 Yaaqoobes woga gidana mala,
18 «Kanaaney nees
19 Istti qoodan guuth gidi diza wode,
20 issi dereppe hara dere,
21 Oonikka istta un7eththana mala
22 «Ta tiydayta bochchofte;
23 Biitta ubbay GODAAS yexxite;
24 Kawoteththatas
25 GODAY gita;
26 Ayzaabeta xoossati
27 Bonchchoynne teemay izas dees;
28 Intteno asa zare ubbatoo!
29 GODAA sunththaas bessiza
30 Biittan diza as ubbay
31 Saloti ufayetetto!
32 Abbaynne iza giddon diza
33 Izi biitta bolla pirdanaas yaana.
34 GODAY kiya;
35 «Abeet nuna ashshiza GODAWU!
36 GODAA Isra7eele Xoossay
37 GODAA Taabotaa sinththan hach hach goynos koshshizaaz ubba wode istti ooththana mala Dawiti Aasaafenne iza dabbota woththides.
38 Qasseka Obeed-Eedoomenne iza dabbota usuppun tammanne osppunata isttara ooththana mala woththides; Edotaane naa Obeed-Eedoomenne Hoosa dirsaa penge naagana mala woththides.
39 Qeese Saadooqenne izara ooththiza qeeseti Geba7oonen dhoqqasohon diza GODAA Dunkaaneza sinththan ooththana mala heen woththides.
40 Gaasoykka GODAY Isra7eeles immida wogaa mala istti ubba wode xuugettiza yarshoy yarshettizason maaladonne omars xuugettiza yarsho yarshanaassa.
41 Iza maarotay mernaas gidida gishshas GODAA galatana mala Hemaane, Edotaanenne doorettida harata Dawiti isttara issife essides.
42 Hemaanessinne Edotaanes xurumba punnanaas, daala giirissanaasinne mazamure yexxishe go7ettiza hara massarata bolla aawateththi isttas imettides; Edotaane nayti dirsa penge naagana mala alaafeteththi imettides.
43 Hessafe guye ubba asay baso baso bides; Dawitikka baso asaa anjjanaas soo simmides.