1 Inge tiga sigar ninge tupas no Watong.
2 Inge tupas no Watong, pirlat no hinsana.
3 Tange hapalaine no minamarine nalamin ta ira kantri,
4 Kanong warah, no Watong i tamat saakit ma i takodas bia dahat na manga pirlat ie.
5 kanong ira god bakut ta ira mes na kantri, a palimpuo mon diet,
6 No Watong i hung ma ra minamar ma no hinsana i tamat,
7 Muat ira kaba kantri, i bilai bia muat na nes kilam no Watong.
8 Muat na tar tano Watong ira urur i haruat ma no hinsana.
9 Muat na lotu tupas no Watong ra matmataan tano uno halhaliana kinkinis nong i manga melmel harsakit.
10 I tahut bia muat na hinawas nalamin ta ira kantri bia, “No Watong i kap taman taar.”
11 I tahut bia no mawe na guama ma no ula hanuo na laro mah.
12 Ira lalong ma ira linge nam narako ta diet, diet na kanakana.
13 Diet na inge ra matmataan tano Watong, kanong i wara hinanuat.