1 Watong, augu no God nong i la balbalu ira sakena.
2 Augu no ut na gil harkurai tano ula hanuo, tut hut!
3 Na haruat um hunanges no kanakana audiet ira ut na sakena?
4 Diet tange hawaat ira nianga na tangarot.
5 Watong, diet paas hasur ira num matanaiabar.
6 Diet ubu bing ira makosa ma ira wasire.
7 Diet tange bia, “No Watong pai la nes tar.
8 Muat ira ngulo nalamin ta ira matanaiabar, muat hadoda timaan.
9 U lik bia nong ga bul ira talingaam, pai la hadoda?
10 U lik bia iakanong i la hapanpador ira kantri, pa na hapidanau ugu?
11 No Watong i nunure ira lilik ta ira tunotuno.
12 Watong, a haraidaan na kis tano tunotuno nong u hapanpador ie.
13 U tar sinangeh tana ta ira uno bung na tinirih,
14 Kanong warah, no Watong pana le harus ise ira uno matanaiabar.
15 Ma na hanuat baling bia nong i gil harkurai na papalim ma ra takodasiana magingin,
16 Sige na tur laah utagu wara hinarubu ma ira ut na sakena?
17 Ing bia no Watong pa gor harahut iau,
18 Ing iau tange bia, “No kakigu i malmalagir,”
19 Ing bia no nginarau ma ra bunurut i tamat narako tagu,
20 Hohe, I tale bia tiga ut na gil harkurai na tur tika ma ugu ing bia i kure hagahe bia mon ira tunotuno,
21 Diet tur tika wara hanghagahe ira ut na takodas
22 Iesen no Watong te hanuat no nugu dadas na katon na munmun,
23 God na balu pukus diet uta ira udiet magingin sakena