1 Watong, iau ni pirlat ugu ma no nugu nilon bakut.
2 Iau ni kanakana ma ni guama taam.
3 Ira nugu ebar diet tahurus tapukus,
4 Kanong warah, u te tur tano nugu palpal ma ira num gil harkurai.
5 U te boor ira kantri ing diet pai Iudeia, ma u te gil haliare ira ut na sakena.
6 A halhaliarai ing pana le pataam i te haan tupas ira adahat suk.
7 No Watong i harkurai hatika.
8 Aie na kure no ula hanuo ma ra taktakodas.
9 No Watong aie no barbarahit wara audiet ing di hagahe diet.
10 Diet ing diet nunure no hinsaam, diet na nurnur taam,
11 Inge na pirlat tupas no Watong nong i la kiskis aram Saion.
12 kanong aie nong i la balbalu pukus diet ing diet bu bing tunotuno,
13 Watong, nes ira agu suk ing diet helar tagu huo.
14 waing iau nigi hapuasne ira pirhakasing tupas ugu ra matmataan na haruat aram Saion,
15 Ira kantri ing diet pai Iudeia, diet te puko laka taar tano naan nong diet gate koh tar ie,
16 Di nunure no Watong tano uno takodasiana harkurai.
17 Ira ut na sakena diet tapukus taar tano midi,
18 Iesen ira malahahin, God pa na luban hatikane diet.
19 Nora Watong, taman tut! Waak u bale leh tiga tunotuno mon bia na petlaar ugu.
20 Watong, haramramin diet.