1 Watong, nu hadade, ma nu balu iau,
2 Nes mur no nugu nilon, kanong iau la murmur ugu.
3 Watong, nu marse iau,
4 Haguama no num tultulai,
5 Watong, a bilai ugu, ma u la liklik luban ira nironga.
6 Watong, hadade no nugu sinasaring.
7 Ta ira bung iau harsomane ra tinirih, iau ni tataau uram ho ugu,
8 Watong, taie tikai nalamin ta ira god i haruat ma augu.
9 Watong, ira matanaiabar ta ira kantri bakut ing u ga hakisi,
10 kanong augu u manga tamat saakit ma u gil ira tamat na gingilaan na kinarup ing i melmel saakit.
11 Watong, hausur iau ta ira num tintalen,
12 Watong, nugu God, iau ni pirlat ugu ma no nugu nilon bakut.
13 kanong no num harmarsai i manga tamat ukai tagu.
14 God, ira ut na hariamul diet wara hinarubu ma iau.
15 Iesen augu, Watong, a God nong i tar bia mon no uno harmarsai.
16 Tahurus ukai ho iau ma nu marse iau.
17 Hamines tiga hakilang tagu uta ira num bilbilai,