1 Ira nugu matanaiabar, i tahut bia muat na hadade ira nugu harausur.
2 Iau ni papos no hagu ma ira nianga harharuat.
3 ira linge ing dahat gate hadade ma dahat gate nunure tar,
4 Dahat pa na suhe kaike ta ira udiet bulumur.
5 Ga hakisi ira harkurai utano huntunaan ta Iakop,
6 waing diet ing diet na lon namur diet na nunure kaiken ra harkurai,
7 Io kaik, diet naga so ira udiet nurnuruan ta God
8 Diet pa naga ngan ho ira hintubu diet,
9 Ira tunaan tano huntunaan ta Epraim, diet ga palim laplapot taar,
10 Diet pa ga mur no kunubus ta God
11 Diet ga luban ira linge ga gil,
12 Ga gil ira dadas na gingilaan na kinarup ra matmataan ta ira hintubu dahat
13 Ga paleng no tes ma gaam lam habalosne diet.
14 Ga lamus diet ma no katona bahuto ra kasakes
15 Ga parok ira haat ram narako tano hanuo bia,
16 Ga tar no taah, gaam saal laah tano ula haat,
17 Iesen kana at diet git gilgil ira sakana magingin tupas ie,
18 Diet ga sip at bia diet na walar God,
19 Diet ga ngurungur taar ta God, diet gaam tange,
20 Ing ga lawat no haat, no taah ga raronga suur,
21 Ing no Watong ga hadade diet, ga manga ngalngaluan.
22 kanong diet pa ga nurnur ta God
23 Ma sen ga tar tiga hartula uram naliu ra hurmauhuo
24 Ma ga hurange hasur ira mana ho ira bata taar ta ira matanaiabar wara ienien.
25 A tunotuno diet ga ien no beret adiet ira angelo.
26 Ga lapus ise no dadaip meram ra mawe makatiga ra kasakes i la tutut hut kaia,
27 Ga tule hasur ira ginama naliu ta diet ho ira kaabus,
28 Diet ga puko suur nalamin ta diet,
29 Diet ga iaan tuk diet gaam hahos,
30 Diet pa ga bing baak no udiet tamat na sinisip tano nian,
31 ma no ngalngaluan ta God gaam hanuat taar ta diet.
32 Ga gil kaiken ra linge bakut, iesen kana at diet ga gilgil ira sakana magingin.
33 Huo, diet ga hasurum bia ira udiet bung na nilon,
34 Ing bia God git bubu bing tari ta diet, diet git silsilihei.
35 Diet ga lik habaling leh bia God, aie no udiet Haatkis,
36 Ma sen bia diet ga harababo ma ira ha diet,
37 Ira udiet nilon pa ga tur dikdikit taar tana,
38 Ma sen bia ga harmarsai,
39 Ga lik leh bia a tunotuno mon diet,
40 Diet ga patnau hait taar tana aram narako tano hanuo bia,
41 Hait diet git walwalar God.
42 Diet pa ga lik leh ira uno baso
43 ing ga haminas ira hakilang ma ira dadas na gingilaan na kinarup
44 Ga pukusane ira audiet taah gaam hanuat de,
45 Ga tule ira haleng na langa, diet gaam hurut diet,
46 Ga tule tar ira ko ta ira audiet sinaso,
47 Ga tule a bata na ais, gaam haliare ira udiet ina wain,
48 Ga tule tar mah a bata na ais taar ta ira udiet bulumakau,
49 Ga tule no uno mamahien na ngalngaluan ma kamahar taar ta diet.
50 Ga tagure tiga ngaas utano uno ngalngaluan,
51 Ga bing ira matana bulu na tunaan ta ira Isip,
52 Iesen ga kap hasur ira uno matanaiabar hoing tiga huna sipsip,
53 Ga lue timaan diet waing diet pa na hiruo, ma diet pa ga burut,
54 Hokaiken kaik, ga kap hawaat tar diet tano gagena no uno halhaliana pise
55 Ga pasak hasur se baak ira huntunaan mekaia
56 Iesen diet ga walar God
57 Diet ga talingaan tapukus ma diet tur talur ie hoing at mon ira hintubu diet.
58 Diet ga hangalngaluan ie ing diet ga lotu kaia ta ira uladih.
59 Ing God ga hadade diet, ga manga ngalngaluan,
60 Ga papook talur no hala na lotu kaia Sailoh,
61 Ga bale tar ira udahat ebar bia diet na palim kawase no bokis na kunubus
62 Ga waak tar ira uno matanaiabar bia diet na hiruo ta ira wise na hinarubu.
63 A iaah ga tun bing ira audiet marawaan,
64 A wise na hinarubu ga ien ira udiet ut na pakila lotu,
65 Kaik um, no Watong ga tangahun hoing tikai i kubaba taar,
66 Ga pasak pukus ira uno ebar
67 Io, ga was ise ira tunotuno ta Iosep,
68 Iesen ga gilamis leh no huntunaan ta Iuda
69 Ga gil no halhaliana ngasiana bia na manga naliu,
70 I ga gilamis Devit no uno tultulai,
71 Ga lamus leh ie mekaia hoing git balbalaure ira sipsip
72 Ma Devit ga balaure diet ma ra takodasuana bala.