1 Ares Iudeia diet nunure ne God.
2 No uno palpalih ie kenam Ierusalem.
3 Kaia ga warat ira lulungo na rumus ing di lalapot me,
4 No minamarim i murarang palai.
5 Ira dadas na umri diet ga noh bia taar um,
6 God ta Iakop, no mamahien ta ira num nianga na harboor
7 Augu sen mon nong da burte ugu.
8 Meram ra ula mawe u ga hinawas tano harpidanau,
9 ing augu, Watong, u ga taman tut wara gil harkurai
10 A tutun bia ira tunotuno diet la ngangar wara hinarubu, iesen i la hatahuat pirhakasing tupas ugu.
11 I tahut bia muat na pakile haruatne ira numuat kunubus uram hono Watong no numuat God.
12 I kutus no lon na latlaat ta ira ut na gil harkurai.