1 God, wara bih u te malok se hatikane tar um het?
2 Lik tar ira matanaiabar u ga kul pukus diet nalua saakit,
3 Ira ebar diet gate hagahe bakut ira linge kai tano hala na lotu.
4 Ira am suk diet barangang tano katon u git haarso ma het kaia.
5 Diet tatalen hoing ira tunotuno diet baan taar ma ra matau
6 Ma ra matau ma ra haasok
7 Diet ga hakarat no num hala na lotu ma i iaan bakut.
8 Narako ta ira bala diet, diet ga tange bia,
9 Pau hamines ta dadas na hakilang ta mehet,
10 God, na haruat hunanges bia ira ebar diet na kukutur taam?
11 Wara biha gu ras pukus leh no kata na limaam?
12 Iesen, augu God, no nugu King menalua at.
13 Augu kaik, u ga paleng harbasiane no tes ma no num dadas,
14 U ga pas parok no uluno no tamat na tadaar,
15 U ga papos ira puat ma ira katen taah,
16 U la kurkure no kankado ma no madaraas mah.
17 U ga igah ira linge bakut tano ula hanuo.
18 Watong, lik leh ing ira num ebar diet ga kukutur taam,
19 Ira num matanaiabar, het haruat ma ira bun. Taie um numehet ta dadas. Huo, waak u tar se ira numehet nilon taar ta ira rakaia na wawaguai.
20 Lik kawase no num kunubus,
21 Waak u bale leh ira tunotuno ing di ubal diet, bia diet na tahurus tapukus ma ra hirhir.
22 God, taman tut ma nu tur bat diet ing diet wara hagahe ira linge u sip bia nu gil.
23 Waak bia u lilik tatohun tano kunup na harangat ta ira am suk,