1 God, halon iau mekaia ta ira nugu ebar.
2 Halon iau mekaia ta ira ut na gil nironga,
3 Nes baak! Diet mun kawase tar iau.
4 Iau pai gil ta nironga, ma sen diet taguro wara hinarubu ma iau.
5 Watong God Nong u Dadas Harsakit, no God ta ira Israel,
6 Diet ngangar ho ira paap ing diet tapukus ra matarahien ruruk,
7 Nes asa diet maruane se ta ira ha diet.
8 Iesen augu, Watong, u kurus diet,
9 Augu no nugu dadas. Iau naanaas utaam.
10 No nugu God i marse iau ma na hanuat ukai ho iau.
11 Iesen Watong, nuhet bahbahit, waak bia nu bu bing diet.
12 Bul diet bia no udiet latlaat na hakuni diet,
13 io kaik, nu hapataam bakut diet tano num ngalngaluan.
14 Diet ngangar ho ira paap ing diet tapukus ra matarahien ruruk,
15 Diet goota hurbit wara adiet ta nian,
16 Iesen iau ni inge utano num dadas.
17 God, iau ni inge na pirharlat ukatiga ho ugu, augu no nugu dadas.