1 Hadade ken, muat ira tunotuno.
2 muat ira lualua ma muat ira malahahin,
3 No hagu na tange ira nianga na minminonas.
4 Iau ni sa talingagu taar ta ira nianga na minminonas.
5 Iau pa ni burut ing ira sakana pakana bung na hanuat,
6 diet ing diet so nurnuruan ta ira udiet tamat na bunbulaan
7 Taie tikai i tale bia na kul pukus no lon auno tiga mes,
8 No kunkulaan wara gaena tiga lon a tabi matana.
9 bia na kul halon hathatikane habaling ie
10 Dahat bakut i tale bia dahat na nes ira ut na mintota diet na maat.
11 A ngasia diet hatika at um ira udiet midi,
12 No tunotuno ing bia auno mon tamat na bunbulaan, iesen pa na kis lawas,
13 Iakan aie no kunkulaan audiet ing diet so nurnuruan baling at ta diet,
14 Diet haruat hoing ra sipsip di te tagure tar wara ures ra midi,
15 Iesen God na kul pukus leh iau mares ra midi.
16 Waak u ramramin ing bia tikai na hanuat watong,
17 kanong pana le kap tiga linge mei ing na maat,
18 Ing ga lon taar, ga lik bia no uno kinkinis ga manga bilai,
19 iesen na kis tika ma ira luptamana menalua
20 Tikai auno mon tamat na bunbulaan ma taie ta palpalai tana,