1 Watong, waak u boor iau ma no num nginangar
2 kanong ira num rumus diet te salok iau,
3 I burena tano num ngalngaluan, iau pai kilingane ra bilai na nilon.
4 Ira nugu nironga i te ubu hasur iau
5 Ira nugu unien i mapus ma di mikiane,
6 I ubal iau ma i manga bul hasur iau.
7 No tihigu i te kilingane ra dadas na ngunngutaan ing i mamahien hoing ra iaah.
8 Taie nugu ta dadas ma di te haliare hatikane iau.
9 Watong, ira nugu dadas na masmasingan i kis palai taar menalua taam.
10 No kaatigu i tiptip, ira nugu baso i patpataam talur iau,
11 Ira nugu harwis ma ira nugu harsakata diet pas iau kanong ta ira nugu unien.
12 Diet ing diet silsiliha ngaas wara hapataam no nugu nilon, diet tagure ira udiet kuun,
13 Iau haruat ma tiga talinga bau nong pai tale bia na hadoda.
14 Iau te haruat hoing tiga tunotuno pai la hanhadoda,
15 Iau kis kawase ugu, Watong,
16 Iau te tange, “Waak u bale diet bia diet na latlaat tano nugu tinirih,
17 Kanong warah, i hutet bia ni puko,
18 Iau hapuasne ira nugu nironga.
19 A haleng ira nugu ebar, ma diet bakut adiet mon tabi bolbol.
20 Diet ing diet balu pukus ira nugu bilbilai ma ra saksakena,
21 Watong, waak u waak kapis tar iau.
22 Hanuat gasien wara harharahut iau,