1 Watong, nu harngangaar ma sige diet ing diet harngangaar ma iau.
2 Kap leh no bahbahit ma ira linge na hinarubu.
3 Tatik no kusur ma no haasok
4 Hamalahuan ma nu hahirhir diet
5 Puh se diet haruat ma ra pala wit tano dadaip,
6 Iau sip bia ira nudiet ngaas na kankado ma na malmalagir,
7 Diet te se bat iau ma ira nudiet uben, ma taie ta burena.
8 Io kaik, bale leh no saksakena na hanuat hakarup diet,
9 Kaik um, no tanuagu na guama tano Watong,
10 No nugu kidilona nilon na tange,
11 Ira ut na hinhinawas ing diet tange mon bia diet nunure no tutun, diet tur harapuasa wara nianga, iesen diet wara hagahe bia iau.
12 Diet balu ira nugu bilbilai ma ra sakena,
13 Ma sen ing diet ga maset, iau ga sigam tamadiris na sigasigam wara hamines no nugu marmaris,
14 iau ga tur na sunuah
15 Ma sen ing iau ga laleka, diet ga hanuat hurlungen ma ra gungunuama.
16 Hoing ira tunotuno diet tur talur God, diet hasakit sakasaka taar tagu.
17 Watong, na haruat hunanges ing nu ngok taar?
18 Iau ni tar pirhakasing taam kai tano tamat na kis hulungai.
19 Diet ing diet sukuane iau ma taie ta burena,
20 Diet pai la iangianga ma ra bala malum,
21 Diet kukutur tagu ma diet tange,
22 Watong, u te nes kaiken. Waak u kis kunkun.
23 Tangahun, ma taman tut ukai wara gaiegu!
24 Haruat ma no num taktakodas, hamines bia iau pai gil ta nironga, Watong, nugu God.
25 Waak u bale bia diet na lik, “Bilai! Ing at mon dahat sipsip!”
26 Sige diet ing diet guama tano nugu tinirih,
27 Sige diet kanakana ing i hanuat puasa bia iau pai gil ta nironga,
28 No hagu na hinawas tano num taktakodas