1 Watong, iau te barahit taam.
2 Sa talingaam ukai ho iau.
3 Augu no nugu haatkis ma no nugu dadas na subaan na munmun.
4 Halangalanga iau sukun no kuun nong di te tagure tar ie utagu,
5 Iau tar se no tanuagu ukatiga tano limaam.
6 Iau malentak ta diet ing diet patep ta ira palimpuo ing taie ta tutun ine.
7 Iau ni kanakana ma ni guama narako tano num harmarsai,
8 Pau tar se iau tar ta ira lima diet ira ebar.
9 Marse iau, Watong, kanong iau kis taar ra tamat na tinirih.
10 No nugu lon i hung ma ra tamat na tapunuk
11 I burena ta ira nugu ebar,
12 Diet te luban iau hoing bia iau gate maat.
13 kanong iau hadade bia a halengin diet tangtange hagahe iau.
14 Iesen iau nurnur taam, Watong.
15 Ira nugu pakana bung na nilon ke ta ira limaam.
16 I bilai bia no matmataan taam na murarang naliu tano num tultulai.
17 Watong, waak bia da hahirhir iau,
18 Hamarur ira palabulu diet ira ut na harabota
19 A tamat saakit no num bilbilai
20 U kap leh diet talur ira ut na harpingit
21 A pirhakasing tupas no Watong,
22 Ing iau ga kalar, iau ga tange hoken:
23 Sip no Watong, muat ing muat te tar tutun ira numuat nilon tana.
24 Muat na tur dadas ma muat na balaraan,