1 Muat na pirlat no Watong, muat ira dadasine aram ra mawe.
2 Pirlat no Watong tano minamarine nong i haruat ma no hinsana.
3 No ingana no Watong ie ke naliu tano taahit.
4 No ingana no Watong i manga dadas.
5 No ingana no Watong i la warwarat ira tamat na ina daha.
6 I la gilgil ira uladih aram Lebanon be na karuas haruat ma tiga nat na bulumakau.
7 No ingana no Watong i la tultule no hile.
8 No ingana no Watong i la gungune no hanuo bia.
9 No ingana no Watong i la hurhurusane ira dadasina daha,
10 No Watong i kis na harkurai taar tano taahit.
11 No Watong i la tartar dadas ta ira uno matanaiabar.