1 Iau raun haut no nugu lon ukatiga ho ugu, Watong.
2 Nugu God, iau so no nugu nurnuruan taam.
3 Taie tikai ing i kis nanahai taam
4 Tuko haminas iau ta ira num ngaas, Watong.
5 Lue iau narako ta ira num tutun ma nu hausur iau,
6 Watong, lik leh no num bala malum ma harmarsai,
7 Waak u liklik leh ira nugu sakana magingin tano nugu pakana bung na marawaan
8 Bilai ma takodasiana no Watong,
9 I la lulue ira matien na tunotuno ta ira linge i takodas,
10 Ira tintalen bakut tano Watong i hung ma ra harmarsai ma i tutun harsakit
11 Wara gaiena no hinsaam, Watong,
12 Sige um no tunotuno nong i burte no Watong?
13 No uno kidilona nilon na kis narako ra bilbilai,
14 No Watong i la hinhinawase ira tunotuno ing diet ru ie utano uno lilik susuhai.
15 Ira matagu i la kis taar tano Watong,
16 Talingaan ukai ho iau ma nu marse iau,
17 Ira ngunngutaan tano nugu nilon i te tamtamat hakakari.
18 Nu nanaas ta ira nugu hinangul ma ira nugu tinirih,
19 Nes baak, ing ira nugu ebar diet te haleng saakit,
20 Balaure no nugu lon ma nu ras leh iau.
21 Iau sasaring bia ira bilbilai ing i kis taar tano balagu ma ira nugu taktakodas na balaure iau,
22 God, halangalanga Israel