1 A pirharlat tupas no Watong, no nugu Haatkis,
2 Aie no nugu God na harmarsai ma no nugu subaan na munmun,
3 Watong, asa tunat ira tunotuno, kaik u nes mur mehet? A linge bia mon mehet.
4 Ira tunotuno diet ngan hoing tiga pakana manmanasung mon.
5 Watong, bul harbasiane no num mawe, ma nu hansur.
6 Tule hasur no hile ma nu pasak harbasiane ira ebar.
7 Sasangaha suur maram naliu.
8 Ira ha diet i hung ma ra harabota,
9 God, iau ni inge tiga sigar ninge ukatiga ho ugu.
10 Augu nong u la harubu sare ira king,
11 Halangalanga iau ma nu halon iau sukun ira lima diet ira wasire ing pai Israel diet.
12 Io kaik, ira nuhet bulu na tunaan ing diet na marawaan, diet na ngan hoing ra daha di balaure ma i kubur timaan,
13 Ira nuhet suuh na bul nian na hung ma ira mangana nian.
14 Da hapusak ira nuhet bulumakau ma ra tamat na kinakap na nian.
15 A haraidaan na kis ta ira matanaiabar ing kaike ra linge i hanuat tutun ta diet.