1 Watong, u te nes salok iau
2 U nunure tar ing iau la kiskis napu ma ing iau la tutut naliu.
3 U tikane timaan iau ing iau tur leh ira nugu hinahaan tuk taar iau kubaba baling,
4 Ing mah bia iau pai tange baak tiga nianga,
5 U wis luhutane iau menamur ma menalua mah.
6 Kaike ra minminonas i manga sakit asa ing iau nunure.
7 Uhe kaik i tale bia ni haan talur no Tanuaam?
8 Ing bia iau gor hanhut uram ra mawe, augu kaike.
9 Ing bia iau gor pupungo hut tika ma no madaraas na laar,
10 kaia mah no limaam na lue iau,
11 Ing bia iau tange, “Tutun saakit, no kankado na suhe iau
12 io, no kankado mah pa na hanuat rawarawa taam,
13 Kanong warah, u ga gil hawaat ira sumsubaan narakoman tagu.
14 Iau pirlat ugu, kanong warah u gate gil iau ma ra gingilaan nong a mangaan at ie ma nong i tale bia da urur tana.
15 Ira surugu pai ga susuhai taam
16 ira iruo mataam ga nes no palatamaigu ing pa di ga kaha baak iau.
17 God, tano nugu ninanaas, ira num lilik i melmel ma a tabi matana!
18 Bia iau nigi was diet, ira udiet winawas gor sakit ira pat na wana.
19 Maris, God, bia nugu bu bing se um ira ut na sakena!
20 Diet la tangtange ira sakana linge utaam.
21 Watong, hohe, iau pai malok ta diet ing diet malok taam?
22 Iau manga malentakuane tunat diet, ma iau pai sip diet ta dahin.
23 God, nas salok iau. Nunure no balagu bakut.
24 Nas ing bia ta mon magingin narako tagu i hatahuat ngunngutaan,