1 Da pirlat no Watong.
2 muat ing muat tur aram tano ngasiana no Watong,
3 Muat na pirlat no Watong kanong no Watong i tahut.
4 Kanong warah, God i te gilamis Iakop waing auno tus ie,
5 Iau nunure bia no udahat Watong i manga tamat,
6 No Watong i la gilgil ira kaba linge i guama ine,
7 I pakile ira bahuto bia na tut meram tano hauhawatine no ula hanuo.
8 Ga bing ira matana bulu na tunaan ta ira Isip,
9 Ares Isip mah ga tule ira hakilang ma ira dadas na gingilaan na kinarup
10 Ga haliare ra haleng na kantri
11 Ga bu bing Sihon, no king ta ira Amor,
12 Ma i ga tar se ira udiet pise taar ta Israel
13 Watong, no hinsaam na tur hatika taar ma pa na pataam.
14 Kanong warah, no Watong na tar tiga takodasiana harkurai wara gaiena ira uno matanaiabar,
15 Di te pakile ira palimpuo ta ira mes na kantri ma ra siliwa ma ra gol.
16 A mon ha diet, iesen pai tale bia diet na ianga.
17 A mon talinga diet, iesen diet pai tale bia diet na hadoda.
18 Diet ing diet gil kaike ra palimpuo, diet na haruat hoing kaike ra palimpuo,
19 Muat ira huntunaan ta Israel, muat na pirlat no Watong.
20 Muat tano huntunaan tane Lewi, muat na pirlat no Watong.
21 A pirharlat tupas no Watong meram Saion.