1 A haraidaan na kis ta diet ing taie ta da saksakena ta ira udiet tintalen,
2 A haraidaan na kis ta diet ing diet pakile haruatne ira uno harpir,
3 Diet pai gil ta nironga.
4 U te bul hadadas ira num nianga na harakatom
5 Iau manga sip bia i tale bia ni tur dit
6 Io huo, iau pa ni hirhir
7 Meram narako tunat tagu iau ni pirlat ugu
8 Iau ni mur ira num dadas na harkurai.
9 Tiga marawaan na tale bia na balaure ira uno tintalen hohe, kaik no uno nilon naga takodas?
10 Iau silihe ugu ma no nugu kidilona lon.
11 Iau te suhe no num nianga narakoman tano balagu,
12 Watong, a pirhakasing tupas ugu.
13 Ma ira palabulugu iau hinawas palai
14 Iau kanakana wara murmur ira num harpir
15 Iau lik murmur ira num nianga na harakatom
16 Iau manga guama ta ira num dadas na harkurai.
17 Gil ta bilbilai tagu, no num tultulai,
18 Papos ira matagu waing iau nigi nes
19 Iau tiga wasire tano ula hanuo.
20 No kaatigu i manga mur tunat
21 U la baboor ira ut na latlaat,
22 Waak u haut leh ira tunotuno bia diet na tange hagahe iau ma diet na kukutur sakasaka tagu,
23 Ira tamat na lualua diet kis tika wara tangtange hagahe iau,
24 Ira num harpir i la hakanakana iau.
25 Di te paas hasur iau taar tano kaabus.
26 Iau ga tange hapuasne ira nugu mangana tintalen, ma u te taram iau.
27 Hapalaine iau uta ira ngaas ta ira num nianga na harakatom,
28 A tapunuk i te ubal tar iau.
29 Kap se no tintalen na hinarabota tagu,
30 Iau te pilak leh ira tutun na tintalen.
31 Watong, iau la palpalim hadadas tar ta ira num harpir.
32 Iau ni hilau mur ira num hartula,
33 Watong, hausur iau wara murmur ira num dadas na harkurai,
34 Tar palpalai tagu waing nigi taram ira num harkurai
35 Lue iau tano ngaas ta ira num hartula,
36 Hurusane no balagu tupas ira num harpir,
37 Kap se ira matagu ta ira linge ing a linge bia mon.
38 Hatutun ira nianga u ga kukubus taar tagu, no num tultulai,
39 Kap se tar ira nianga na kukutur tupas iau ing iau hirhir ine,
40 Tutun saakit, no kaatigu i la murmur ira num nianga na harakatom.
41 Watong, iau sasaring bia no num harmarsai nong pai la patpataam na hanuat taar tagu,
42 Io, iau ni tale bia ni balu sige nong na tange hagahe iau,
43 Bale iau bia ni hinawas palai utano num tutun na nianga,
44 Io, iau ni murmur hatikane ira num harkurai,
45 Ma iau ni langalanga timaan,
46 Ma iau ni hinawas ta ira num harpir menalua ta ira king
47 Io, iau guama ta ira num hartula,
48 Ma iau raun haut ira iruo limagu ukatiga ho ira num hartula ing iau sip,
49 Lik leh no num nianga u ga kubus ie tika ma iau, no num tultulai,
50 No linge i habalaraan iau tano nugu ngunngutaan i hoken,
51 Ira ut na latlaat diet manga hasakit sakasaka tagu,
52 Watong, iau lik kawase ira num ula harkurai u ga bul tar nalua saakit,
53 No ngalngaluan i manga tamat tagu kanong ta ira ut na sakena,
54 Iau la inginge uta ira num dadas na harkurai
55 Watong, ra bung iau lik kahe no hinsaam,
56 No nugu mangana magingin i hoken,
57 Watong, augu no pinlawegu.
58 Iau te silihe ira num haraidaan ma no nugu nilon bakut.
59 Iau te lik murmur ira nugu magingin
60 Iau ni habir ma pa ni halis
61 Bia ira ut na sakena diet na kubus iau ma ra hinau,
62 Iau tangahun ra tingena bung wara tanga tahut saakit taam
63 Iau tiga harwis ta diet bakut ing diet ru ugu,
64 Watong, no ula hanuo i hung ma no num harmarsai.
65 Watong, u te gil ra tahut taar tagu, no num tultulai,
66 Hausur iau ra mintota ma ra bilai na minminonas,
67 Ing iau pa ga harsomane baak ra tamat na tinirih, iau ga haan talur ugu,
68 A tahut ugu, ma ira linge u gil i bilai.
69 Ira ut na latlaat diet te tange ra haleng na bis na nianga utagu,
70 Ira ulu diet i tabanot,
71 Ing iau ga harsomane ra tamat na tinirih, ga bilai tagu,
72 Iau nes kilam tano nugu lon bia ira harkurai meram tano haam i manga tirih
73 Ira lumaam ga gil iau ma ga hakisi iau.
74 Iau sip bia diet ing diet ru ugu, diet na guama ing diet nes iau,
75 Watong, iau nunure bia i takodas ira num ula harkurai,
76 Bale tar no num harmarsai nong pai la patpataam bia na habaraam iau,
77 Marse iau waing iau nigi lon,
78 Hahirhir ira ut na latlaat kanong diet tung iau ma ra harabota na nianga,
79 Diet ing diet ru ugu, iau sip bia diet na haan tapukus ukai ho iau,
80 Iau sip bia no balagu na bilai harsakit, naga haruat ma ira num dadas na harkurai,
81 No nugu lon i te maalum ing iau kis kawase no num harhalon,
82 Ira matagu i te manga tirih wara ninaas bia nu gil haruatne ira num nianga na kunubus.
83 Tutun bia iau haruat hoing tiga gingop ing di gil ma ra pala bulumakau ing a mis i te rang hagahe tar,
84 Iau, no num tultulai, iau ni kis nanaho haruat hunanges?
85 Ira ut na latlaat diet te kil hasur no pise wara hakuni iau.
86 I haruat bia da so nurnuruan ta ira num hartula.
87 Dahin ma diet gar te hapataam se tar iau mekai ra ula hanuo,
88 Balaure bat no nugu lon haruat ma ira num harmarsai,
89 Watong, ira num nianga na kis hathatika.
90 No num tutun na magingin na haan taar ta ira tunotuno ing diet lon katin ma namur mah.
91 Ira num ula harkurai i kis taar tuk katin,
92 Ing bia ira num harkurai pa naga haguama iau,
93 Iau pa ni lik luban ira num nianga na harakatom,
94 Halon iau, kanong a num iau.
95 Ira ut na sakena diet nanaho wara haliare iau,
96 Iau nes bia a mon patpataam ta ira linge bakut,
97 Iau la manga kalak tar no num harkurai!
98 Ira num hartula diet gil iau bia ni manga mintot ta ira nugu ebar,
99 Iau manga minonas ta ira nugu ut na harausur,
100 Iau manga palai ta mehet ma ira patuana,
101 Iau pas ira sakana ngaas
102 Iau pai haan talur ira num ula harkurai,
103 Ira num nianga i namien ududuh!
104 Iau kap ra palpalai mekai ta ira num nianga na harakatom,
105 No num nianga a laam ie ta ira iruo kakigu,
106 Iau te sasalim ma iau ni gil haruatnei,
107 Watong, i te manga ubal iau ra haleng tinirih.
108 Watong, nu haut leh ira pirhakasing tano hagu ing iau kanakana bia ni tar taam,
109 I tutun bia iau la taguro taar bia ni hiruo, nigi maat,
110 Ira ut na sakena diet te kapis tar tiga kuun wara utagu,
111 Iau ni kap usurane hatikane ira num harpir.
112 Iau te bul no nugu lilik wara gilgil haruatne ira num dadas na harkurai hathatikai
113 Iau malentakuane diet ira liliklumet na tunotuno,
114 Augu no nugu subaan na munmun, ma no nugu bahbahit.
115 Muat ira ut na sakena, muat na haan talur iau,
116 Balaure timaan iau haruat ma no num nianga, waing iau nigi lon.
117 Hatatol iau waing iau nigi kap no harhalon huo,
118 U malok se diet bakut ing diet tamapas laah talur ira num dadas na harkurai,
119 U te waak se ira ut na sakena bakut tano ula hanuo hoing di gope se ira bilinge ing i booka ta ira siliwa ing di tun ie.
120 No palatamaigu i dedar ma ra bunurut wara utaam,
121 Iau te gil ing i takodas ma i tutun.
122 Hatutun bia iau, no num tultulai, ni kap ira bilbilai.
123 Ira matagu i tirih ing iau nanaas tano num harhalon
124 Papalim narako tagu, no num tultulai, haruat ma no num harmarsai,
125 Iau no num tultulai. Hapalaine no nugu lilik
126 Watong, no pakana bung kaiken um bia nu tut ma nu pakile ira num pinapalim,
127 Io kaik, iau kalak ira num hartula.
128 Io kaik, iau nes kilam bia ira num nianga na harakatom bakut i takodas,
129 A bilai saakit ira num harpir,
130 No tamtamapapos ta ira num nianga i tar lulungo.
131 Iau panganga ma iau mehmeh,
132 Talingane iau ma nu marse iau,
133 Hadadas ira nugu hinahaan haruat ma ira num nianga na kunubus.
134 Halangalanga iau sukun ira haraubaal ta ira tunotuno
135 Bale bia no matmataan taam na murarang naliu tagu, no num tultulai,
136 Ira polo na matagu i manga saal suur ta ira matagu,
137 Watong, a takodasiana ugu,
138 Ira harpir ing u te tar, i takodas,
139 No balagu i manga mamahien
140 Di te walar tar no num nianga na kunubus ma di te nes bia i bilai harsakit,
141 A tutun bia a tunotuno bia mon iau ma di mikiane iau,
142 Ira num takodasiana magingin i la kis hatika taar
143 A tinirih ma ra tapunuk i te haan tupas iau,
144 Ira num harpir i la takodas hatika taar.
145 Iau tataau ma no nugu kidilona lon. Balu iau, Watong.
146 Iau tataau ukatiga ho ugu. Halon pukus iau
147 Iau tut ra malabungbung ma iau suah wara harharahut.
148 Iau pai la hapulo ira iruo matagu tutun at ra bung,
149 Hadade no ingagu haruat ma no num harmarsai.
150 Diet um ken hutet ing diet pingit saksakena,
151 Watong, augu at ken hutet,
152 Nalua saakit iau ga harausur ta ira num harpir
153 Nes ira nugu ngunngutaan ma halon iau,
154 Tur harahut iau ma nu halangalanga ise iau.
155 No harhalon i tapaka ta ira ut na sakena,
156 Watong, no num harmarsai i manga tamat.
157 Haleng ira sukagu ing diet hahelar tagu.
158 Iau nes ira ut na harababo ma iau mikiane diet,
159 Nes bia iau kalak ira num nianga na harakatom.
160 No burena ira num nianga bakut a tutun.
161 Ira lualua diet helar bia mon tagu ma taie ta burena,
162 Iau guama ta ira num nianga na kunubus
163 Iau malentakuane ma iau malok se no magingin na harabota
164 Iau pirlat ugu ra liman ma airuo na pakaan tiga bung
165 A tamat na malum saakit na kis ta diet ing diet kalak no num harkurai,
166 Watong, iau nanaho tano num harhalon,
167 Iau mur ira num harpir,
168 Iau mur haruatne ira num nianga na harakatom ma ira num harpir,
169 Watong, bale leh no nugu sunuah bia na haan tupas ugu.
170 Bale leh no nugu sinasaring bia na hanuat taar taam.
171 No palabulugu na hung ma ra pirhakasing,
172 No karamegu na inge garaan ira num nianga,
173 Bale tar no limaam bia na taguro wara harharahut iau,
174 No kaatigu i la murmur no num harhalon, Watong,
175 Bale leh iau bia ni lon waing iau nigi pirlat ugu,
176 Iau te rara hoing tiga sipsip i te panim.