1 سٜيْ رُوحُ اَللَّه يَارِ يٜىٰسُ ندٜرْ لَدّٜ نغَمْ شٜيْطَنْ فٛوندَمٛ؞
2 غَطَ يٜىٰسُ وَطِي بَلْطٜ 40 اٜ سُومٛو جٜمَّ اٜ ݧَلَوْمَ، وٜىٰلٛ نَنْغِمٛ؞
3 سٜيْ شٜيْطَنْ وَرِ، وِعِمٛ، «تٛ اَنْ وٛنِ ٻِطّٛ اَللَّه، وِعُ طٜعٜ کَاپٜ نغَرْتَ بُرٛودِ؞»
4 يٜىٰسُ نٛوتِي وِعِمٛ، «اَايَارٜ وِعِي، ‹نَاع اٜ ݧَمْندُ تَنْ نٜطّٛ مَرٛرْتٛو، سٜيْ نِ اٜ کٛو ندٜيٜ وٛلْدٜ غَرٛيْندٜ دَغَ تٛ اَللَّه؞› »
5 سٜيْ شٜيْطَنْ يَارِمٛ اُرُشَلِيمَ غَرِيرِ شٜنِيندِ دَرْنِمٛ تٛنْ دٛوْ حٛورٜ وُرٛ شٜنِينغٛ،
6 وِعِمٛ، «تٛ اَنْ وٛنِ ٻِطّٛ اَللَّه، دِوُ دَغَ طٛعٛ نغَمْ اَايَارٜ وِعِي،
7 يٜىٰسُ وِعِمٛ، «طٛنْمَا اَايَارٜ وِعِي، ‹تَاع فٛوندُ اَللَّه جٛومِرَاوٛ مَاطَ!› »
8 شٜيْطَنْ فُطِّتِ يَارِمٛ دٛوْ وٛنْدٜ حٛشّٜىٰرٜ تٛوْندٜ حٛلِّمٛ لٜيْطٜ دُونِيَارُ فُو اٜ جَوْدِ مَاجٜ،
9 اٛ وِعِمٛ، «طُعُمْ فُو مِ حٛکّٜتٜطُمْ تَا دِشَّکٜ اَ مَوْنِنِييَمْ؞»
10 سٜيْ يٜىٰسُ وِعِمٛ، «اُمَّ دَغَ طٛعٛ، اَنْ شٜيْطَنْ! اَايَارٜ وِعِي، ‹مَوْنِنْ اَللَّه جٛومِرَاوٛ مَاطَ، کَنْکٛ تَنْ مَوْنِنْتَا؞› »
11 سٜيْ شٜيْطَنْ اَلِمٛ، مَلَاعِکَعٜنْ نغَرِ مبَلِّمٛ؞
12 تٛو، ندٜ يٜىٰسُ نَنِ طُمْ مَٻِّي يَحَيَ ندٜرْ سُودُ شُرَلْ، اٛ سٛعِّي لٜيْدِ غَلِيلِ؞
13 اٛ اَلِ غَرِيرِ نَجَرَتْ، اٛ يَحِ اٛ جٛوطِي غَرِيرِ کَفَرْنَحُمْ نغٛنْدِ حَادٜ مبٜىٰلَ ندٜرْ لٜيْدِ جَبَلُونَ اٜ نَفْتَالِ؞
14 اٛ وَطِي نٛنْ نغَمْ طُمْ حٜبِّنَ کٛ اَللَّه وِعِ دَغَ حٛنْدُکٛ اَنَّبِ اِشَايَ وِيکِ،
15 «لٜيْدِ جَبَلُونَ اٜ لٜيْدِ نَفْتَالِ،
16 يِمْٻٜ جٛوطِيٻٜ ندٜرْ ݧِوْرٜ
17 دَغَ شَرٜلْ نغٜلْ، يٜىٰسُ فُطِّ وَعَجِنْکِ، اٜ وِعَ، «تُوبٜىٰ، نغَمْ لَامُ اَللَّه وَرِي حَادٜ مٛوطٛنْ؞»
18 يٜىٰسُ اٜ يَحَ حَادٜ مبٜىٰلَ غَلِيلِ، اٛ يِعِ سَکِرَاٻٜ طِطٛ، سِيمَنْ بِعٜتٜىٰطٛ بِيتُرُسْ اٜ مِݧِرَاوٛ مَاکٛ اَنْدِرَاوُسْ، اٜ ٻٜ نغَطَ نَنْغِرْطُمْ لِپِّ مَٻّٜ ندٜرْ ندِيَمْ، نغَمْ ٻٜ نَنْغٛوٻٜ لِپِّ؞
19 سٜيْ يٜىٰسُ وِعِٻٜ، «تٛکّٜىٰيَمْ، مِ وَرْتِرَيْعٛنْ غَدَّيْٻٜ يِمْٻٜ تٛ اَمْ؞»
20 طٛنْ اٜ طٛنْ ٻٜ اَلِ نَنْغِرْطُمْ لِپِّ مَٻّٜ ٻٜ تٛکِّمٛ؞
21 ندٜ اٛ ٻٜيْدِ يٜىٰسٛ سٜطَّ، سٜيْ اٛ يِعِ وٛٻّٜ سَکِرَاٻٜ طِطٛ، يَاکُبُ اٜ مِݧِرَاوٛ مُوطُمْ يَحَيَ ٻِٻّٜ جَبَدِ، اٜ ٻٜ ندٜرْ کٛمِوَلْ اٜ ݧَاکٛ مَٻّٜ جَبَدِ، اٜ ٻٜ مٛعِّنَ نَنْغِرْطُمْ لِپِّ مَٻّٜ، سٜيْ يٜىٰسُ نٛدِّٻٜ؞
22 طٛنْ اٜ طٛنْ ٻٜ اَلِ کٛمِوَلْ نغَلْ اٜ ݧَاکٛ مَٻّٜ اٛنْ، ٻٜ تٛکِّ يٜىٰسُ؞
23 يٜىٰسُ يَحِ کٛو تٛيٜ ندٜرْ لٜيْدِ غَلِيلِ، اٜ مٛ اٜکِّتِنَ ندٜرْ شُوطِ دٛعَارٜ مَٻّٜ، اٜ مٛ وَعَجِنَ حَبَرُ بٜلْطُمْ دٛوْ لَامُ اَللَّه، ندٜنْ اٜ مٛ يَمْطِتِنَ کٛو اِرِ طُمٜ ݧَوُ اٜ شِيَ نجَمُ ندٜرْ يِمْٻٜ؞
24 حَبَرُ مَاکٛ سَنْکِتِ کٛو تٛيٜ ندٜرْ لٜيْدِ سِيرِيَ؞ يِمْٻٜ نغَدَّنِمٛ فُو ݧَوْٻٜ، ڤِيدٛوٻٜ اٜ ݧَوُوجِ فٜىٰرٜ‑فٜىٰرٜ، اٜ ڤِيدٛوٻٜ اٜ نَوْطُمْ ٻَلِّ، اٜ غٛودُٻٜ غِنِّ، اٜ غٛودُٻٜ ڤَطّٜ، اٜ جَرَاٻٜ، اٛ يَمْطِتِنِٻٜ؞
25 يِمْٻٜ طُطْٻٜ تٛکِّ يٜىٰسُ پِوٛيْٻٜ لٜيْدِ غَلِيلِ، اٜ لٜيْدِ دِکَڤٛلِسْ، اٜ اُرُشَلِيمَ، اٜ لٜيْدِ يَحُودِيَ، اٜ فٛنْغٛ شَانغٛلْ اُرْدُنْ؞