1 Paipa uwaena yaga Kotiba toma toma ki i'ma poropete kina'mi nkiwamutasa tayabamagi mono kamana'wapa uwaimita kanantiye.
2 Piya, ainti atuti iba nagarikena kanara, Kotiba kamana agowapa, yagarawa nkaboraramintine. Pi ntagarama nkayatasa Kotiba mampaba puma'ma, a'ya'maenama nkago miyenoma otantine.
3 Piya, yagarawampa aeba Koti kanta puma mima ka'masa pumagina, aeba Koti nke'wasaena aboraramimagina, kamana'wampa nkesegiyenarasa a'ya'maena mabe mantabe parutu puma kabiye. Aeba aguntaenabisa aeyobatatakena yuga puma a'ya kaitegina, Tabe Wa'egama nkayatakanti inati asu mara'mintiye.
4 Pigoya, abawampa yagaranene ominti nkagiba enisore kina'mi nkigeba igasisa puma, aewapa enisore kina'mi igasima abawampa nkayatakanti mara'mintiye.
5 Piya, paipa paipa Kotiba yagarawaka maya omintiye:Piya, aeka to kake maya untiye:Pigoya, pi kamanapa Kotiba ka enisore yagaraga untiye, a. Kampaye.
6 Piya, aeba amaru yagarawa mabi ataogana aboraogana maya untiye:
7 Piya, enisore kina'mikaba maya untiye:
8 We, a'wae puma yagarawaka Kotiba maya omintiye:
10 Pigoya, to kapa Kotiba maya omintiye:
13 Pigoya, paipa Kotiba yagarawaka to ka maya omintiye:Pigoya, pi kamanapa Kotiba ka enisore yagaraga untiye, a. Pipa kampaye.
14 We, enisore kina igeba awamusa kina mima Koti kayokaya potagina, i'ikibi kina iyo'maeyiyema uwaitaye.