1 Izaburi ya Hasafu, imwoꞌmwimangizi waꞌbimbi. Luli mu yimbwa neꞌnanga.
2 E Mungere waꞌBahisiraheeri, ututegage amatwiri.
3 mu beene Hifurahimu, na mu beene Binyamiini, na mu beene Manaasi.
4 E Rurema, utuyerekage ubwija bwawe.
5 E Nahano, Rurema woꞌbushobozi bwoshi!
6 Ibyokulya byo ukatuheereza, si gukola mwizingeerwe naaho.
7 We tumiri abagoma biitu bagakizi tugayiriza.
8 E Rurema woꞌbushobozi bwoshi, utugalulire imwawe.
9 Ikyanya ukatulyosa i Miisiri, twâli riiri nga mulandira gwawe gweꞌmizabibu.
10 Wanatuyufirira, halinde twanakula.
11 Ikimbehwa kiitu kyanabwika imigazi.
12 Twanatavika, halinde twanahikaga ku nyaaja mbamu Mediterane.
13 Aahago! Kituma kiki ukahongola inzitiro ziitu ízâli tusokaniini?
14 Kiri neꞌngulube zeꞌrubako, zigweti zigatulibata-libata.
15 E Rurema woꞌbushobozi bwoshi, ushubi tugalukira maashi!
16 Gulya mulandira gwo ukabyala naꞌmaboko gaawe wenyene, ukizi gulanga, we kongwa!
17 Kundu twe tuli mulandira gwawe,
18 Ulya mundu ye ukuuziri, umúkanie, maashi!
19 Iri wangagira kwokwo, tutâye ki kujande.
20 E Nahano Rurema woꞌbushobozi bwoshi! Utugalulire imwawe.